SKÝRSLAN: Markaregn á Samsung
Hvað réði úrslitum?
Þessi tíu mínútna kafli í fyrri hálfleik þar sem Stjarnan kemst í 4-1 var eiginlega bara algjört röthögg og engin leið til baka fyrir FH. Þær vissulega minnkuðu muninn niður í eitt mark en það var of lítið of seint.
Bestu leikmenn
1. Gyða Kristín Gunnarsdóttir (Stjarnan)
Gyða var frábær í dag og það stafaði alltaf ógn af henni. Var flott í pressunni og setti svo auðvitað mark og stoðsendingu sem skemmir ekki fyrir.
2. Úlfa Dís Kreye Úlfarsdóttir (Stjarnan)
Úlfa hefði alveg getað verið hérna fyrir ofan og þær eiginlega deila þessu bara finnst mér. Líka með mark og (næstum því) stoðsendingu þegar hún bjó til mark númer tvö.
Atvikið
Mínútur 6-16 voru alveg sturlaðar og erfitt að velja eitt atvik úr þeim. Það var ekki í boði að líta niður, þá missti maður af marki.
Hvað þýða úrslitin?
Stjarnan nær FH á stigum og eru bæði lið, ásamt Tindastóli, með 6 stig og sitja í 4-6 sæti.
Vondur dagur
Báðir markmenn fá á sig nokkuð mörg í dag og það er aldrei gott. Veit ekki hvort að sökin hafi verið sérstaklega þeirra í einhverju markanna en burt séð frá því eru 3 og 4 mörk vont í egóið.
Dómarinn - 7
Mér fannst Breki og teymið bara flottir í dag. Eina sem hægt er að setja út á er víti sem Stjarnan hefði átt að fá í stöðunni 4-1 en það kom ekki að sök.