Njarðvíkingar taka stigin þrjú hérna í dag og eru áfram með full hús stiga eftir fyrstu þrjár umferðir. Frábær byrjun á tímabilinu frá Njarðvíkingum.

Viðtöl og skýrsla væntanleg.

Njarðvíkingar eru að sigla þessu heim.

Aron Snær með magnaða vörslu frá Izaro Sanchez

Veit ekkert hverju er bætt við en það eru sennilega um 2-3 mínútur myndi ég halda.

Boltinn fellur fyrir Jorgen Pettersen sem á þrumuskot sem fer rétt yfir markið!

Þróttarar reyna keyra upp smá hraða. Þurfa líka að hafa hraðar hendur ef þeir ætla að fá eitthvað úr þessum leik. Lítið eftir.

Sigurður Steinar með laus skot sem Aron Snær á ekki í vandræðum með.

Sigurður Steinar fellur í teignum og Þróttarar vilja vítaspyrnu en Erlendur ekki sammála. Tómas Bjarki og Sigurður Steinar áttu í baráttu um boltann inn í teig en Erlendur vel staðsettur og gaf strax merki um að þetta væri ekkert.

Mjög tíðindarlítið þessa stundina.

Bæði lið átt lofandi sóknaruppbyggingar en vantar bara síðustu sendinguna eða enda með skoti.

Sigurður Steinar köttar inn á teiginn og á skot sem Aron Snær slær út í teig og Njarðvíkingar hreinsa.

Þetta er stál í stál hérna. Hvorugt liðið er að gefa færi á sér og baráttan er mest á miðjunni.

Ibra Camara með frábæran Zidane snúning og snýr tvo af sér.

Þróttarar byrja þennan síðari hálfleik af krafti.

Iaroshenko með aukaspyrnu sem Aron Snær ver vel. Fínasta spyrna.

Dominik Radic sparkar þessu af stað aftur.

Engu bætt við og liðin fara jöfn til búningsklefa inn í hálfleik.

Smá hætta inni á teig Þróttara en þeir díla vel við það.

Njarðvíkingar aðeins að minna á sig. Kenneth Hogg með fyrirgjöf á Dominik Radic sem skallar yfir markið.

Njarðvíkingar sækja hratt og Kenneth Hogg er í hörku færi en skotið er afleitt og laust. Þarna hefðu gestirnir átt að gera miklu betur. Voru tveir á einn og virkaði enginn trú í þessu skoti frá Kenneth Hogg.

Sigurður Steinar í baráttunni og Þróttarar í flottu færi en Njarðvíkingar koma þessu í horn. Þróttarar vildu fá brot í aðdraganda en fengu ekki.

Ekkert kom úr þessari hornspyrnu.

Sigurður Steinar reynir að koma boltanum fyrir markið en Sigurjón Már hendir sér fyrir.

Fínasta færi hjá gestunum.

Joao Ananias með bolta fyrir sem Þróttarar hreinsa frá en ekki lengra en til Freysteins Inga sem á skot sem Þórhallur Ísak ver.

Þróttarar í fínasta færi - Viktor Andri með skot sem Björn Aron nær að kasta sér á og boltinn lekur framhjá markinu.

Tomas Bjarki með fastan bolta fyrir markið en ratar því miður fyrir gestina ekki á samherja og fer bara út við endalínu hinumeginn og innkast fyrir Þrótt.

Þróttarar þjarma að marki Njarðvíkinga en vörn Njarðvíkur heldur.

Oumar Diouck með fínan sprett upp að endalínu og á fyrirgjöf fyrir markið sem Freysteinn Ingi skallar framhjá.

Cristofer Rolin skorar en flaggið fór á loft.

Dominik Radic með skot á markið en það er laust og Þórhallur Ísak ekki í teljandi vandræðum.

Oumar Diouck fær boltan inni á teig og setur hann yfir markið.

Björn Aron með flottan bolta inn á teig en Freysteinn Ingi hittil hann ekki!

Iaroshenko finnur Cristofer Rolin inni á teig sem nær að halda varnarmanni Njarðvíkur af sér og kemur skoti á markið sem Aron Snær ver frábærlega!

Sigurður Steinar Björnsson með flottan sprett inn á teig Njarðvíkinga en potar boltanum framhjá.

Þróttarar sparka þessu af stað.

Þróttarar gera eina breytingu frá síðasta leik gegn ÍBV. Emil Skúli Einarsson dettur út og inn fyrir hann kemur Kostiantyn Iaroshenko.

Njarðvíkingar gera einnig breytingu á sigurliði sínu frá því í síðasta leik. Freysteinn Ingi Guðnason kemur inn fyrir Kaj Leo Í Bartalstovu.

Að þessu sinni er það handboltakappinn Gunn­ar Malmquist Þórs­son sem spáir í leikinna. Hann er leikmaður Aftureldingar sem mætir FH í lokaúrslitunum um Íslandsmeistaratitilinn í handbolta.

Þróttur R. 1 - 0 Njarðvík
Lengi lifi Þróttur, það verður erfitt fyrir Njarðvíkinga að fá eitthvað á græna teppinu í laugardalnum.

Þessi lið hafa mæst 20 sinnum í mótsleikjum á vegum KSÍ samkv. vefsíðu KSÍ.

Þróttur hefur 11 (55%) sigra.
Njarðvík er með 6 (30%) sigra.
Liðinin hafa þrívegis (15%) skilið jöfn.

Markatala liðana er Þróttur R. 47-34 Njarðvík.

Þróttarar hafa farið heldur höktandi af stað og sitja í 10.sæti deildarinnar fyrir leikinn í dag með eitt sig. Þeir gerðu sterkt 1-1 jafntefli við Þór í fyrstu umferð áður en þeir fóru til Vestmannaeyja og töpuðu þar 4-2.

Njarðvíkingar hafa farið feykilega vel af stað og sitja fyrir umferðina á toppi deildarinnar með fullt hús stiga. Þeir sóttu góðan sigur í Breiðholtið í fyrstu umferð þegar þeir unnu Leikni R 1-2 og fylgdu því svo eftir með frábærum 3-0 sigri heima gegn Dalvík/Reyni.

Erlendur Eiríksson heldur utan um flautuna í dag og honum til aðstoðar verða Guðni Freyr Ingvason og Ragnar Arelíus Sveinsson.
Þórður Ingi Guðjónsson er eftirlitsdómari.

Lengjudeildin hefur farið skemmtilega af stað og hafa fyrstu tvær umferðirnar gefið okkur fullt af skemmtilegum leikjum.

Síðasta umferð:

Þór 4-2 Afturelding
Njarðvík 3-0 Dalvík/Reynir
ÍBV 4-2 Þróttur R.
Fjölnir 1-0 Leiknir R.
Grindavík 1-1 ÍR
Grótta 1-0 Keflavík

Staðan í deildinni eftir tvær umferðir

1.Njarðvík - 6 stig
2.Fjölnir - 6 stig
3.Þór - 4 stig
4.ÍR - 4 stig
5.Grótta - 4 stig
6.ÍBV - 3 stig
7.Dalvík/Reynir - 3 stig
8.Grindavík - 1 stig
9.Afturelding - 1 stig
10.Þróttur R. - 1 stig
11.Keflavík - 0 stig
12.Leiknir R. - 0 stig

Verið hjartanlega velkomin til leiks á Avis völlinn í Laugardalum þar sem Þróttarar mæta Njarðvík í 3.umferð Lengjudeildar karla.