Liðin mætt út á völl og Fylkislagið með Bent á fóninum. Gæti alveg verið verra.

ÞÞÞ með flautuna

Það styttist í leikinn. Það er skýjað yfir Árbænum og smá gola. Kvörtum ekkert yfir því. Upphitun er lokið og liðin fara að ganga út á völl hvað úr hverju.

Sama lið hjá Blikum Nik Chamberlain heldur í sama lið og í stórsigrinum gegn Stjörnunni, skiljanlega. Bekkurinn er gríðarlega sterkur.

1. Aníta Dögg Guðmundsdóttir (m)
4. Elín Helena Karlsdóttir
5. Anna Nurmi
7. Agla María Albertsdóttir
8. Heiða Ragney Viðarsdóttir
11. Andrea Rut Bjarnadóttir
13. Ásta Eir Árnadóttir (f)
15. Vigdís Lilja Kristjánsdóttir
17. Karitas Tómasdóttir
27. Barbára Sól Gísladóttir
28. Birta Georgsdóttir

Ein breyting á Fylkisliðinu Emma Sól Aradóttir kemur inn fyrir Helgu Guðrúnu sem er meidd. Þetta er fyrsta breytingin sem Fylkir gerir á byrjunarliði sínu í sumar.

1. Tinna Brá Magnúsdóttir (m)
2. Signý Lára Bjarnadóttir
3. Mist Funadóttir
5. Abigail Patricia Boyan
7. Tinna Harðardóttir
9. Guðrún Karítas Sigurðardóttir
11. Viktoría Diljá Halldórsdóttir
16. Eva Rut Ásþórsdóttir (f)
18. Erna Sólveig Sverrisdóttir
22. Emma Sól Aradóttir
25. Kayla Bruster

Blikakonur að gera tilkall í landsliðið Það styttist í það að landsliðshópur verði tilkynntur fyrir afar mikilvægt verkefni gegn Austurríki í undankeppni fyrir Evrópumót kvenna 2025.

Ísland er með þrjú stig í riðlinum eftir sigur gegn Póllandi og tap gegn Þýskalandi. Með því að ná í góð úrslit í báðum leikjunum sem eru framundan gegn Austurríki, þá getur Ísland komist langleiðina á Evrópumótið.

Undirritaður setti saman lista í síðustu viku yfir fimm leikmenn sem gera tilkall í þennan hóp, leikmenn sem hafa þá ekki verið í síðustu hópum.

Tveir leikmenn Breiðabliks voru á listanum.

Vigdís Lilja Kristjánsdóttir (Breiðablik)
Hefur skorað í hverjum einasta leik í Bestu deildinni til þessa og er að finna sig gríðarlega vel í framlínu Breiðabliks. Hefur leyst ýmsar stöður á undanförnum árum, þar á meðal bakvörð, en er núna að spila sína uppáhalds stöðu fremst á vellinum. Virkilega hæfileikaríkur leikmaður og gæti meðal annars komið inn fyrir Bryndísi Örnu Níelsdóttur sem er að glíma við meiðsli í aðdraganda verkefnisins.

Barbára Sól Gísladóttir (Breiðablik)
Eftir erfitt sumar á Selfossi í fyrra, þá hefur Barbára byrjað vel í Breiðabliki í sumar. Þurfti ferskt upphaf og það hefur hjálpað henni. Verið hluti af sterku varnarliði Blika og einnig lagt sitt af mörkum sóknarlega. Það er orðið frekar langt síðan hún var í landsliðinu og spurning hvort það sé kominn tími á endurkomu. Getur eflaust líka leyst það að spila vinstra megin í bakverðinum sem hjálpar.

Helga Guðrún tvíbrotnaði Fylkir varð fyrir áfalli í leiknum gegn Tindastóli því Helga Guðrún Kristinsdóttir tvíbrotnaði á hendi í leiknum. Hún þarf að fara í aðgerð vegna þess og verður líklega frá í töluverðan tíma sem eru alls ekki góð tíðindi fyrir Fylki sem hefur stillt upp sama byrjunarliði í fyrstu fjórum leikjunum.

Í fyrra var hún einn besti leikmaður Fylkis þegar liðið komst upp úr Lengjudeildinni en hún skoraði þá átta mörk í 18 deildarleikjum.

Hafrún Rakel spáir Blikasigri Landsliðskonan Hafrún Rakel Halldórsdóttir spáir í leiki 5. umferðar í Bestu deild kvenna. Hún er nú alls ekki hlutlaus þar sem hún er fyrrum leikmaður Breiðabliks.

Fylkir 0 - 4 Breiðablik
Mínar konur í Blix kannast ekki við markaþurrð á þessu tímabili og Birta Georgs verður allt í öllu í þessum leik, successful dribbles u.þ.b 29. Ásta og Elín eru hafsentapar to die for og halda hreinu í lautinni. 4-0 easy win og Katrín, sem hefur verið að æfa hjólarann á hverjum degi í vetur, smellhittir hann í vinkilinn. Ekki flókið sport fyrir hana, hún þekkir leikinn vel.

Fréttir af liðunum fyrir mót

Nýliðar Fylkis Hafa farið ágætlega af stað í sumar og eru með fimm stig eftir fjóra leiki, en þær töpuðu sínum fyrsta leik gegn Tindastóli í síðustu umferð. Það var erfiður leikur fyrir Árbæjarliðið og voru lokatölur 3-0 fyrir Tindastól.

Blikar óstöðvandi í byrjun móts Breiðablik hefur unnið fyrstu fjóra leiki sína mjög sannfærandi. Þær unnu Keflavík, Tindastól og FH 3-0, en í síðustu umferð bættu þær í og lögðu nágranna sína í Stjörnunni 5-1. Þær léku á als oddi gegn Garðbæingum.

Verður Fylkir fyrsta liðið til að stöðva Breiðablik?

Góða kvöldið! Og verið velkomin í beina textalýsingu frá leik Fylkis og Breiðabliks í Bestu deild kvenna. Þetta verður fjör!