KA vinnur hér í kvöld og er komið áfram í Mjólkurbikarnum!

Valdimar Logi Sævarsson í góðu færi en hittir boltann mjög illa og hann fer beint í hendur Marvin

Silas með máttlítið skot af löngu færi. Síðasti sénsinn að koma til baka er að fjarlægjast.

+2
Jajalo grípur fyrirgjöfina

Silas Songani með skot úr aukaspyrnu af löngu færi. Boltinn fer yfir markið.

Jajalo lendir á Birgi og fellur harkalega. Er búinn að jafna sig af því.

Sergine Fall stoppar fyrirgjöf og Marvin grípur boltann í kjölfarið. Kallað eftir óbeinni aukaspyrnu úr stúkunni en ekkert dæmt.

Undanfarnar mínútur verið ansi tíðindalitlar

Toby King með fasta fyrirgjöf á Pétur Bjarnason. Hann nær ekki að stýra boltanum á markið.

Viðar Örn í færi en hann hittir boltann alls ekki nægilega vel. AUðvelt fyrir Marvin.

Benedikt Waren með fyrirgjöf úr aukaspyrnu en hún er ekki nægilega góð og svífur yfir alla og fer aftur fyrir.

Fall nálægtþví aðsetja boltann í eigið net!

Birgir nálægt því að koma KA yfir nánast í næstu sókn en skotið framhjá! Dauðafæri!

Birgir Baldvinsson fellur inn á teig Vestra, einhver köll eftir víti en Erlendur segir að boltinn hafi verið á milli. Held þetta hafi verið rétt kall hjá honum.

Kominn hálfleikur. KA menn verið með yfirhöndina nánast allan leikinn en Vestri refsar á lokasekúndunum!

Fjórum mínútum bætt við. Mikið verið um meiðsli hér.

Ívar Örn Árnason með hörku skalla sem Marvin ver glæsilega í horn

Hans Viktor fellur inn á teignum. Menn kalla eftir vítaspyrnu en ekkert dæmt

Ibrahima Balde brýtur á Hallgrím. Aukaspyrna á stórhættulegum stað. Daníel skýtur í vegginn.

Birgir Baldvins og Andri Fannar spila vel saman. Birgir á viðstöðulaust skot úr erfiðu færi og boltinn fer beint á Marvin.

Fyrirgjöf á Bjarna Aðalsteinsson. Hann nær ekki krafti í skallann og Marvin handsamar knöttinn.

Rodri í dauðafæri. Birgir Baldvins með fyrirgjöfina og Rodri setur boltann yfir af stuttu færi.

Pétur Bjarnason með áhugaverða tilraun. Jajalo aðeins út úr markinu og Pétur tekur skotið af löngu færi en boltinn fer yfir markið.

Elmar Atli steinlá eftir viðskiptivið Daníel Hafsteeinsson. Sýndist hann bara detta á KA manninn. Er staðinn upp og klár í að halda áfram.

Hallgrímur Mar að sleppa í gegn, setur boltann í netið en það var búið að flauta rangstöðu. Þetta var tæpt, spurning hvort Elmar Atli Garðarsson hafi gert hann réttstæðan.

Skalli framhjá markinu

KA fljótir upp í sókn. Hallgrímur Mar fær boltann rétt fyrir utan vítateig og á áhugalaust skot vel framhjá.

Heiamenn koma þessu af stað

Liðin eru að ganga út á völl.

Hallgrímur Jónasson, þjálfari KA, gerir tvær breytingar frá tapinu gegn Val í deildinni á laugardag. Kristijan Jajalo kemur í markið fyrir Steinþór Má Auðunsson og Andri Fannar kemur inn fyrir Ásgeir Sigurgeirsson. Stubbur og Ásgeir eru báðir á bekknum. Harley Willard er ekki í hópnum í dag og á bekknum í hans stað er Hákon Atli Aðalsteinsson.

Davíð Smári Lamude, þjálfari Vestra, gerir fimm breytingar frá tapinu gegn ÍA í deildinni á laugardag. Marvin Darri kemur í markið fyrri William Eskelinen. Þeir Elvar Baldvinsson, Vladimir Tufegdzic, Nacho Gil og Sergine Fall taka sér einnig sæti á bekknum. Inn koma þeir Johannes Selvén, Gunnar Jónas, Pétur Bjarna og Friðrik Þórir. Tarik Ibrahimagic er fjarri góðu gamni.
Harley Willard

Arnar Daði Arnarsson, Sérfræðingurinn sjálfur, spáir í leikina.

KA 1 - 0 Vestri
Á meðan það virðist vera góð ára yfir Þorpinu er ekki alveg sömu sögu að segja í Brekkunni. Haddi þjálfari KA virðist vera spenntur fyrir komandi fallbaráttu í Bestu-deildinni en hvort hann sé jafn spenntur fyrir bikarnum verður að koma í ljós. Einhvernveginn held ég að Vestri hafi ekki breiddina í að vera einbeita sér að því að halda sér uppi í Bestu og ná árangri í bikarnum og KA menn nýta sér það. Grímsi minn skorar eina mark leiksins.


Hallgrímur Mar skorar eina mark leiksins

Erlendur Eiríksson verður með flautuna hér í kvöld. Ragnar Þór Bender og Antoníus Bjarki Halldórsson eru honum til aðstoðar. Sveinn Arnarsson er fjórði dómari og Valdimar Pálsson er eftirlitsmaður KSÍ.

KA og Vestri mættust í 3. umferð Bestu deildarinnar í sumar hér á Greifavellinum þar sem Vestri hafði betur. Jeppe Gertsen skoraði eina mark leiksins á síðustu andartökunum. Þetta var fyrsti sigur Vestra í efstu deild en KA er aðeins með tvö stig eftir sex umferðir. Vestri er nú komið með 6 stig.

Jeppe Gertsen

Nýliðar Vestra í Bestu deildinni eru komnir með tvo sigra í deildinni. Liðið komst í 16 liða úrslit eftir sigur á Haukum í Hafnarfirði.

Staðan var 2-2 í hálfleik en tvö mörk frá Vestra skiluðu þeim sigrinum.

Bæði lið hófu leik í 32 liða úrslitunum. KA hefur farið ansi illa af stað í sumar en liðið fékk tækifæri til að koma sér almennilega af stað þegar liðið fékk Lengjudeildarlið ÍR í heimsókn í 32 liða úrslitunum.

Það reyndist hins vegar erfitt verkefni fyrir þá þar sem liðið þurfti framlengingu til að tryggja sér sigurinn. Harley Willard skoraði fyrir KA í venjulegum leiktíma en Bergvin Fannar Helgason jafnaði metin á lokasekúndunum, það var síðan Daníel Hafsteinsson sem tryggði liðinu sigur seint í framlengingunni.

Verið velkomin í beina textalýsingu frá leik KA og Vestra í 16 liða úrslitum Mjólkurbikarsins. Leikurinn fer fram á Greifavellinum á Akureyri.