SKÝRSLAN: Stefnan sett á gullið
Hvað réði úrslitum?
KA fékk á sig mark undir lok fyrri hálfleiks eftir að hafa verið betri aðilinn. Liðið kom ákveðið til leiks í þeim síðari og gerði út um leikinn. Sanngjarn og sannfærandi sigur.
Bestu leikmenn
1. Birgir Baldvinsson
Frábær leikur hjá honum. Hefur komið gríðarlega sterkur inn í liðið í undanförnum leikjum, var frábær bæði sóknarlega og varnarlega. Leggur upp fyrsta markið og hefði getað lagt upp fleiri og skorað sjálfur.
2. Bjarni Aðalsteinsson
Skorar stórkostlegt mark beint úr aukaspyrnu til að tryggja KA sigurinn endanlega. Átti flottan leik almennt.
Atvikið
Aukaspyrnumark Bjarna. Frábært mark sem gulltryggði KA sigurinn.
Hvað þýða úrslitin?
KA er komið áfram í 8 liða úrslit bikarsins en Vestri úr leik. Gott fyrir KA að vinna leik þar sem liðið hefur ekki fundið sigurtilfinninguna í deildinni á þessu tímabili. Liðið fór alla leið í úrslit síðasta sumar og hefur liðið verið opið með það að ætla sér að fara skrefinu lengra í ár
Vondur dagur
Pétur Bjarnason virkaði alls ekki í takti við leikinn. Þá má nefna að Vestri gerði tvöfalda skiptingu í fyrri hálfleik vegna meiðsla í öðrum leiknum af síðustu þremur.
Dómarinn - 8
Virkilega góð. KA kallaði eftir tveimur vítaspyrnum en að mínu mati var hann með það alveg upp á tíu.