Víkingar verða í pottinum þegar dregið verður í 8- liða úrslit Mjólkurbikarsins. Viðtöl og skýrsla innan skams.

Ríkjandi bikarmeistarar eru komnir í átta liða úrslit! Víkingar settu fjögur mörk gegn einu marki Grindvíkinga. Hér er allt það helsta????? pic.twitter.com/0YqmsIb4u0

— RÚV Íþróttir (@ruvithrottir) May 16, 2024

Ari með skot sem fer af varnarmanni og Aron Dagur ver.

Einar Karl fær bolta á lofti til sín og tekur viðstöðulaust skot, Pálmi Rafn þarf að hafa sig allan við svo hann verji.

Helgi með góða fyrirgjöf á fjærstöng á Valdimar sem nær ekki til knattarins og boltinn aftur fyrir endalínu.

Ari með skot fyrir utan teig og boltinn fer greinilega í hendina á varnarmanni en ekkert dæmt.

Ari með hættulega fyrirgjöf sem Grindavík koma frá og í horn.

Dagur Ingi með frábært skot fyrir utan teig sem Pálmi rafn ver vel í marki Víkinga.

Boltinn dettur fyrir Djuric í teignum Danijel klárar færið vel en flögguð réttilega rangstæða.

Víkingar fá aukaspyrnu í fyrirgjafastöðu. Boltinn kemur á nærstöng en Grindavík skallar frá.

Víkingar byrja með boltann.

Víkingar leiða með einu er Arnar Þór flautar til hálfleiks.

Pablo missir boltann á hættulegum stað boltinn berst á Josip Krznaric sem þrusar boltanum í þverslánna og á svo aðra tilraun sem varnarmaður kemst fyrir og boltinn endar í hornspyrnu.

Karl Friðleifur sker inn frá vinstri og fer í skotið en Aron Dagur ver örugglega.

Kristófer Konráðsson liggur niðri og þarfnast aðhlynningar.

Danijel Djuric með flotta takta og fer í skotið sem fer rétt yfir.

Gunnar Vatnhamar a skalla langt framhjá eftir hornspyrnu.

Fyrir áhugasama þá er Oliver Ekroth í sitthvorum skónum.

Gísli Gotti með hörkuskot fyrir utan teig sem Aron Dagur ver vel.

Víkingar fá fyrsta horn leiksins, boltinn dettur fyrir Helga Guðjóns sem er í góðri stöðu, Helgi tekur skotið en það fer af varnarmanni og í horn.

Darraðadans í teig Grindavíkur eftir fyrirgjöf, sóknin endar með skoti Djuric sem fer framhjá marki Grindavíkur.

Grindavíkurliðið er mjög þétt, Víkingar reyna að finna glufur.

Karl Friðleifur með skalla yfir markið.

Rólegar upphafsmínútur, Víkingar meira með boltann.

Grindavík byrja með boltann og sækja í átt að Kringlunni.

Liðin gagna hér inn á völlinn, nú styttist í að þetta hefjist!

Grindavík gerði 1-1 jafntefli við ÍR í síðustu umferð í Lengjudeildinni, Brynjar Björn gerir þrjár breytingar á sínu liði frá þeim leik. Þeir Dagur Ingi Hammer, Kristófer Konráðsson og Ion Perelló koma allir í byrjunarliðið í stað Eric Ramos, Hassan Jalloh og Nuno Malheiro sem fór meiddur af velli í síðasta leik. Víkingar unnu sterkan sigur á FH í síðasta leik þeirra. Arnar Gunnlaugsson mætir aftur á hliðarlínuna en hann var í leikbanni í gegn FH, Arnar hristir vel upp í liðinu og gerir sex breytingar á liði sínu. Þeir Pálmi Rafn, Helgi Guðjóns, Gísli Gottskálk, Karl Friðleifur, Valdimar Þór og Danijel Djuric koma allir inn í byrjunarlið bikarmeistaranna.

Arnar Daði eða Séffinn eins og hann er oft kallaður spáir öruggum sigri Víkings. Grindavík 0 - 3 Víkingur R. ,,Víkingarnir hafa stigið á bananahýðið nú þegar í sumar og gera það ekki aftur í bráð. Ótrúlegasta sigurganga í bikar sem ég man eftir heldur áfram og Grindvíkingar verða leiddir til slátrunar. Helgi Guðjóns, Davíð Atla og Matti Villa með mörkin fyrir Víkinga - það er að segja ef Matti Villa verður búinn að jafna sig eftir líkamsárásina frá Bödda löpp."

Víkingar hafa unnið Mjólkurbikarinn í síðustu fjögur skipti. Eina liðið sem hefur gert betur er KR en unnu þeir bikarkeppnina fimm sinnum í röð, á árunum 1960 til 1964.

Víkingur hefur lánað Grindavík aðstöðuna í Safamýrinni endurgjaldslaust vegna aðstæðna í Grindavík. Þá má með sönnu segja að bæði lið leika hér á ,,heimavelli". ,„Það er félaginu og Víkingum öllum ákaflega ánægjulegt að geta aðstoðað Grindvíkinga með þessu hætti í sumar. Frá fyrsta samtali höfum við lagt áherslu á að leita lausna með Grindvíkingum en til þess þurfti einnig sterka aðkomu frá Mennta- og barnamálaráðuneytinu og Reykjavíkurborg. Við erum þakklát fyrir það hversu vel var tekið í þetta frá fyrsta fundi," sagði Haraldur Haraldsson, framkvæmdastjóri Víkings. „Við í Grindavík erum afar þakklát Víking fyrir allt saman. Við erum komin með heimavöll í sumar og getum þurrkað þá óvissu út og gefið allt í botn fyrir komandi keppnistímabil. Bæði liðin okkar ætla sér langt og þetta er stórt skref fyrir okkur. Víkingur í samstarfi við Mennta- og barnamálaráðuneytið og Reykjavíkurborg eiga hrós skilið fyrir þetta. Engin orð fá lýst því hversu þakklát við erum," sagði Þorleifur Ólafsson, framkvæmdastjóri Grindavíkur.

Góðan og blessaðan daginn kæru lesendur og veriði velkomin í þráðbeina textalýsingu beint úr Safamýrinni, þar sem Grindavík tekur á móti Íslands- og bikarmeisturum Víkings.