Grindavík vörðust vel lágt á vellinum og Víkingar náðu fyrir vikið ekki að skapa sér mörg færi. Undir lok leiks stigu Grindvíkingar hærra upp á völlinn og Víkingar refsuðu. Grindavík geta verið stoltir af frammistöðu sinni en gæðin hjá Víkingum skinu í gegn og kláruðu leikinn.

Mark Valdimars Þórs var af dýrari gerðinni, smurði honum í vinkilinn og gerði út um leikinn.

Víkingar verða í pottinum þegar dregið verður í 8- liða úrslit Mjólkurbikarsins.

Aron Dagur Birnuson missti boltann undir sig í fyrsta marki leiksins og þar af leiðandi þurftu Grindvíkingar að elta allan leikinn eftir þau mistök.

Arnar Þór Stefánsson og félagar með fínasta leik. Eitt atvik þar sem ég hefði viljað sjá aukaspyrnu boltinn fór greinilega í hendina á varnarmanni eftir skot að marki. Annars engin stór vafaatriði.