Liðin ganga hér inn á völlinn, nú styttist í að þetta hefjist!

Frítt á völlinn!

LEIKDAGUR!

Malbikstöðin býður frítt inn í dag. Hoppukastalar og fjölskyldustemning

Sjáumst á vellinum! Kick off 13:00 pic.twitter.com/iKqod7JNZv

— Afturelding (@umfafturelding) May 25, 2024

Varamarkmenn byrja í báðum liðum Byrjunarliðin eru komin inn!

Bæði lið gera nokkrar breytingar en áhugaverðast er að varamarkmenn beggja liða byrja í marki.
Arnar Daði markvörður Aftureldingar er í leikbanni en Birkir Haraldsson (2004) kemur í hans stað. Enginn varamarkvörður er á skýrslu hjá Aftureldingu.

Aron Dagur meiddist undir lok síðasta leiks og er utan hóps í dag. Ingólfur Hávarðarson (2005) kemur inn í rammann.

Byrjunarlið beggja liða má sjá hér til hliðar.

Adam spámaður Adam Ægir Pálsson spáði í 4. umferðina fyrir Fótbolta.net.
Afturelding 0 - 1 Grindavík
Afturelding með geðveikt lið en ég er Grindvíkingur þannig ég spái þeim 1-0 sigri og ég held að Einar Karl skori frá 40 metrunum.

Tekur út leikbann útaf röngum dómi Afturelding verður án Arnars Daða Jóhannessonar markmanns síns í dag en hann fékk að líta rauða spjaldið í leiknum gegn Keflavík á dögunum. Dómur sem líklega var rangur því þarna beitti dómari leiksins þrefaldri refsingu fyrir brot innan teigs þar sem hann reyndi að ná í boltann. Nokkur ár eru síðan hætt var að refsa fyrir slíkt með rauðu spjaldi.

Það breytir því ekki að hann þarf að taka út leikbann fyrir rauða spjaldið og líklegt að Birkir Haraldsson leysi stöðu hans í markinu, en hann kom inná sem varamaður eftir rauða spjaldið í Keflavík.

Gengið til þessa - Fyrsti 'útileikur' Grindavíkur Leikurinn í dag er í 4. umferð mótsins og það er ljóst að liðin tvö sem ætluðu sér toppbaráttu í sumar hafa valdið vonbrigðum það sem af er.

Afturelding er í botnsæti deildarinnar með aðeins eitt stig úr leikjunum þremur sem eru búnir. Þeir byrjuðu mótið á jafntefli gegn Gróttu heima en töpuðu svo gegn Þór og Keflavík á útivelli.

Leikir Aftureldingar
Afturelding 1 - 1 Grótta (3. maí)
Þór 4 - 2 Afturelding (9. maí)
Keflavík 3 - 0 Afturelding (21. maí

Gestirnir í Grindavík hafa bara spilað heimaleiki í sumar, ef heimavöll skildi kalla því þeir spila í Safamýrinni í sumar. Þeir hafa gert tvö jafntefli og tapað einum, eru með 2 stig í 10. sætinu. Þeir byrjuðu mótið á tapi gegn Fjölni 2-3 en þá var spilað á Víkingsvelli í Fossvoginum sem var þeirra heimaleikur. Þeir gerðu svo jafntefli við ÍR (1-1) og Gróttu (2-2)

Leikir Grindavíkur
Grindavík 2 - 3 Fjölnir (1. maí)
Grindavík 1 - 1 ÍR (10. maí)
Grindavík 2 - 2 Grótta (20. maí)

Dómarateymið Arnar Ingi Ingvarsson er dómari leiksins í dag og hann tekur með sér til aðstoðar þá Hrein Magnússon og Magnús Garðarsson. Það er enginn á skiltinu í dag en Skúli Freyr Brynjólfsson er eftirlitsmaður KSÍ, fylgist með störfum dómara og umgjörð leiksins.

Leikdagur í Mosfellsbænum Góðan daginn og verið velkomin í beina textalýsingu frá Malbiksstöðinni að Varmá, heimavelli Aftueldingar.

Hér mætast Afturelding og Grindavík í Lengjudeild karla í dag. Leikurinn hefst klukkan 13:00.