Styttist. Þá ganga liðin til vallar og klappa í átt að stuðningsmönnum.

!

Það er Bongó!

— .....Er Bongó? (@erbongo) May 26, 2024

Byrjunarliðstíðindi! Framarar mættu Skagamönnum á heimavelli í seinustu umferð en þeir gerðu 1-1 jafntefli gegn þeim gulklæddu. Rúnar Kristinsson, þjálfari Fram, gerir tvær breytingar á liðinu sínu frá þeim leik. Þeir Haraldur Einar og Magnús Þórðarson koma úr liðinu fyrir þá Viktor Bjarka Daðason og Alex Frey Elísson.

Halldór Árnason, þjálfari Breiðabliks, gerir eina breytingu á sínu liði frá sigrinum á Stjörnunni í seinustu umferð Bestu deildarinnar. Aron Bjarnason kemur inn í liðið fyrir Kristinn Steindórsson.

Leikir liðanna í fyrra Liðin mættust tvisvar í deild í fyrra. Fyrsti leikurinn var háspennu leikur þar sem úrslitin réðust með seinustu spyrnu leiksins á Fylkisvellinum þar sem Kópavogsvöllur var í viðgerð. Seinni leikurinn var þá ívið rólegri þegar Blikar unnu góðan 1-0 sigur.

Teymið! Dómari leiksins er enginn annar en stórmeistarinn Elías Ingi Árnason. Honum til aðstoðar í dag eru þeir Andri Vigfússon og Bergur Daði Ágústsson. Arnar Ingi Ingvarsson er skiltadómari í dag en Ólafur Ingvar Guðfinnsson er eftirlitsmaður KSÍ.

Jason svaraði Jason átti mjög góðan leik í seinustu umferð er Blikar unnu Stjörnumenn 2-1. Framherjinn hefur verið orðaður við Víkinga. Eða Víkingar eru taldir hafa átt samband við hann og boðað hann á fund. Jason mætti í viðtal eftir Stjörnuleikinn þar sem hann var meðal annars spurður út í þetta.

Helga spáir í spilin! Fótboltamamman Helga Birkisdóttir spáir í 8. umferð Bestu deildarinnar. Helga mætti í skemmtilegri treyju þegar synir hennar mættust í Mjólkurbikarnum á dögunum; Birkir Már Sævarsson í Val og Aron Elí Sævarsson í Aftureldingu.

Treyjan er hálf Valstreyja og hálf Aftureldingartreyja.

„Þegar það var ljóst að Afturelding og Valur væru bæði í pottinum fyrir 16-liða úrslitin þá hafði ég sterkt á tilfinningunni að liðin myndu dragast saman. Þegar það svo raungerðist kom hugmyndin um að útbúa sérstaka treyju strax til umræðu enda ekki á hverjum degi sem þeir bræður keppa á móti hvor öðrum," segir Helga.

„Að leikurinn væri settur á þennan dag, 17. maí, á 95 ára afmælisdegi pabba heitins var auðvitað alveg einstakt fyrir okkur fjölskylduna. Hann var alla tíð þeirra besti stuðningsmaður, mætti á leiki og fylgdist með öllum úrslitum. "

„Halldór Einarsson í Henson tók mér fagnandi og var fljótur að græja þessa flottu treyju fyrir okkur. Kaleo auglýsingin varð fyrir valinu enda heimaleikurinn í Mosó og dagsetningin fékk að sjálfsögðu sinn fína sess. Þetta var einstök upplifun, skemmtilegur leikur og umgjörðin hjá Aftureldingu til fyrirmyndar."


Fram 1 - 2 Breiðablik (í dag 17:00)
Breiðablik mæta mjög einbeittir í Úlfarsárdalinn og Anton Ari ver víti. Jason Daði og Kristinn Steindórs setja mörkin fyrir Blika. Hinn efnilegi Breki Baldurs setur spennu í lok leiks en markið kemur því miður of seint.

Blikar elta Blikar hafa kannski ekki farið af stað eins og þeir vildu en þeir hafa tapað tveimur leikjum og unnið 5. Þeir eru strax komnir í smá eltingarleik við Víkinga en ef allt er eðlilegt mun Breiðablik vera í þessari baráttu með Víkingum í sumar. Mikilvægt er fyrir Breiðablik að sækja í sigur í dag svo þeir falli ekki of langt frá Víkingum of snemma.


Koma með kassan úti
Blikar koma fullir sjálfstrausti inn í þennan leik. Seinasti leikurinn þeirra var gegn Stjörnunni á heimavelli. Blikar uppskáru þar góðan 2-1 sigur en mörk Blika skoruðu Patrik Johannesen og Jason Daði.

Frábærir Framarar Það er óhætt að segja það að Framarar hafa byrjað leiktíðina vonum framar. Aðeins búnir að tapa einum leik sem var gegn Víkingum en það var afar umdeildur leikur. Annars eru þeir með þrjá sigra og þrjú jafntefli og eru á efri helmingnum. Með sigri í dag jafna þeir Breiðablik á stigum. Þeir eru einnig mættir í 8-liða úrslitin í Mjólkurbikarnum en það er afar bjart yfir Úlfarsárdalnum.

Besta vörnin
Seinasti leikur Framara var á heimavelli gegn Skagamönnum. Það gerðist eitt í þeim leik sem maður hefur ekki séð oft á þessu tímabili þegar Framarar misstu niður forystu. Varnarleikur Fram hefur verið til háborinnar fyrirmyndar en þeir hafa einungis fengið 5 mörk á sig í 7 leikjum. Það er besta vörnin í deildinni. Innkoma Kyle McLagan í liðið hefur verið stórkostleg en hann hefur átt stórmagnað tímabil til þessa.

Sú lang Besta! Heil og sæl ágætu lesendur og veriði hjartanlega velkomin í þessa þráðbeinu textalýsingu frá leik Fram og Breiðabliks í Bestu deildinni.