SKÝRSLAN: Þeir ætla að vera með í mótinu
Hvað réði úrslitum?
Fylkismenn voru miklu grimmari. Þetta var úrslitaleikur fyrir þá. Þeir mættu ótrúlega vel gíraðir og settu tóninn strax. Þessi frábæra byrjun og þessi mikla vinnusemi skilaði þeim flottum sigri gegn döpru liði HK.
Bestu leikmenn
1. Matthias Præst (Fylkir)
Daninn tekníski með mark og stoðsendingu. Hann gæti reynst Fylkir drjúgur þegar líður á sumarið.
2. Ragnar Bragi Sveinsson (Fylkir)
Herforinginn sneri aftur á miðjuna og það er svo ótrúlega mikilvægt fyrir Fylki.
Atvikið
Annað markið sem Fylkir skorar. Kæruleysi í Þorsteini Aroni og Fylkir refsaði grimmt. Svolítið einkennandi fyrir þennan leik.
Hvað þýða úrslitin?
Það er kannski svolítið snemmt að segja þetta, en þessi leikur bara úrslitaleikur fyrir Árbæinga og þannig var andrúmsloftið fyrir leik. Þeir sýndu svo að þeir eru engar mýs. Þeir ætla allavega að vera með í mótinu. Þetta var ekki góður leikur fyrir HK-inga sem virðast bara geta gírað sig í stóru leikina. Það er kannski gott fyrir þá að næst er það Breiðablik.
Vondur dagur
HK-ingar voru bara sofandi í byrjun leiks, mættu ekki til leiks. Arnar Freyr Ólafsson var mjúkur þegar Nikulás Val skoraði og Þorsteinn Aron Antonsson var kjánalegur þegar Þórður Gunnar gerði annað mark Fylkis. Varnarleikurinn var svo ömurlegur í þriðja markinu og skógarhlaupið hjá Arnari ekki gott. HK-ingar voru pirraðir í leikslok og þeir mega bara vera það.
Dómarinn - 8
Prýðisframmistaða hjá Jóhanni. Líklega hans besti leikur í sumar.