Taktrískur leikur og einhverjir myndu sennilega kalla leiðinlegan leik. Virkilega þétt lið sem gáfu fá færi á sér en náðu bæði inn marki. Blikarnir horfa sennilega frekar í tvö töpuð stig á meðan Víkingar horfa í unnið stig úr því sem komið var.

Jöfnunarmark Víkinga leit ekki vel út fyrir Anton Ara. Einnig hægt að nefna skallafærið sem Valdimar Þór fékk stuttu seinna sem hefði getað stolið þessu.

Víkingar halda í efsta sæti deildarinnar með 22 stig og Blikar eru áfram í öðru sætinu með 19 stig.

Úr því sem komið var þá verðum við því miður að setja Anton Ara hérna í kvöld. Jöfnunarmark Víkinga leit herfilega út fyrir markvörðin í kvöld sem hafði átt prýðis dag fram að þessu atviki. Fylgir því að vera markvörður að þegar þeir gera sig seka um mistök þá telur það oftast mun meira. Einnig hægt að nefna Ara Sigurpáls sem virkaði svolítið 'off his game' í kvöld.

Fínasta frammistaða hjá Sigurði Hirti og hans teymi. Það eru nokkur atriði sem ég væri til í að sjá aftur til að meta eins og rangstæðan á Ísak Snær. Gef teyminu solid 7 með fyrirvara um að þessar ákvarðanir hafi verið réttar.