Jafntefli niðurstaðan á Hásteinsvelli í dag. Unnið stig fyrir Fjölnismenn en Eyjamenn geta svo sannarlega nagað sig í handarbökin að hafa ekki tryggst sér stigin þrjú. Slíkir voru yfirburðir þeirra lungan úr leiknum og þá einna helst í fyrri hálfleik. Að því er þó ekki spurt. Takk fyrir mig í dag.

Halldór Snær með frábæra vörslu eftir snarpa sókn Eyjamanna og gestirnir hreinsa.

Felix með tvær fyrirgjafir í röð af hægri vængnum en ekkert kemur út úr þeim. Heimamenn dæmdir brotlegir. Fjölnismaður liggur í teignum og eru þeir ekkert að flýta sér.

Eyjamenn fá aukaspyrnu um 35 metra frá marki úti hægra megin. Vinna horn í kjölfarið.

Fín spyrna frá Reyni inn á teiginn en Hjörvar Daði slær boltann frá. Uppbótartími er að lágmarki fimm mínútur.

Fjölnismenn fá aukaspyrnu á prýðisstað til fyrirgjafar. Reynir Haralds stendur yfir boltanum

Arnar Ingi flautar aukaspyrnu á miðjum vallarhelmingi ÍBV til handa Fjölni. Áhorfendum er langt í frá skemmt og baula duglega. Sleppir augljósri bakhrindinngu í næstu sókn ÍBV og ekki kætti það áhorfendur.

Varnarmenn stíga fyrir á síðustu stundu.

Eftir fyrirgjöf frá hægri rúllar boltinn eftir endilangri marklínunni því sem næst áður en að Fjölnismenn ná að hreinsa frá marki sínu. Hefði sennilega dugað fyrir Eyjamenn að blása á boltann!

Skyndisókn, sé ekki hver á skotið en Halldór ver í horn.

Kristófer Dagur sækir hornspyrnu fyrir Fjölnismenn

Eyjamenn fá hornspyrnu. Vængspil þeirra í dag verið frábært í dag og hafa bakverðir Fjölnis verið í stökustu vandræðum með hraða Olivers og Arnórs Breka.

Eyjamenn í hálffæri en Fjölnismenn komast á milli og hreinsa frá marki sínu.

Miðað við þróun leiksins liggja þeirra möguleikar þar. Spyrnan tekinn frá hægri yfir á fjær. Siglir yfir allt og alla og í markspyrnu.

Af stuttu færi frá því að ég held Alex Frey eftir sendingu frá Oliver. Eyjamenn verið mikið betri hér í dag. Svo einfalt er það.

Sigurður Arnar í hörkufæri eftir hornið en Halldór ver glæsilega í annað horn.

Arnar Breki í hörkufæri en varnarmenn komast fyrir, Eyjamenn fá horn en vilja víti eftir að Arnar Breki fellur. Skal ekki segja. Móðan ekki beint að hjálpa

Fær boltann hægra megin í teignum en setur boltann framhjá markinu.

Reynir skot frá vinstra vítateigshorni en boltinn yfir markið.

Móðan gerir það að verkum að ég hef ekki hugmynd um hver komst í ágætt færi fyrir Eyjamenn. Skot hans þó varið og Eyjamenn fá horn. Ekkert kemur upp úr horninu.

Flautað til hálfleiks í Vestmannaeyjum. Af því sem ég hef séð hefur lið ÍBV stjórnað þessum leik frá a til ö. Sá þó ekki fyrsta korterið þar sem Fjölnisliðið komst meðal annars yfir. Síðari hálfleikur innan skamms. Spurning hvort Eyjamenn séu að lesa. Stórfurðulegt að horfa á útsendinguna af leiknum. Móða á öðrum vallarhelmingnum sem skiptist því sem næst alveg á miðju. Mjög spes. Mæli með að fólk sjái bara með eigin augum.

Arnór Breki í kapphlaupi við Júlíus Mar um boltann og fellur, veik köll um brot en áfram með leikinn segir Arnar.

Vinna boltann hátt á vellinum og leika sín á milli við teig Fjölnis. Sóknin endar á skoti frá Alex Frey en varnarmenn komast fyrir.

Fjölnismenn koma boltanum út úr teignum eftir aukaspynuna en boltinn fellur fyrir Arnar Breka sem nær skoti en rétt framhjá stönginni fer boltinn.

Hraustleg tækling á Tómas Bent á vallarhelmingi Fjölnis. Gula spjaldið er á að fara á loft

Sleppur einn gegn Halldóri og á bara eftir að setja boltann í netið. Missir hann of langt frá sér sem markvörðurinn nýtir sér og handsamar boltann. Lendir í samstuði við Oliver í leiðinni og liggur eftir.

Það er fátt sem kætir mig meira á kosningadegi en að hlusta á spjall gárunga í Eyjum yfir leiknum í útsendingunni á Youtube. Mín skilaboð til þeirra eru. Aldrei breytast, þið gerið heimsókn og áhorf á Hásteinsvelli að því sem það er ásamt útsýninu.

Sverrir Páll reynir sig af einhverjum 25 metrum. Nær boltanum framhjá veggnum en skotið framhjá markinu einnig.

Arnar Breki með boltann í teignum en Halldór ver skot hans.

Verið algjör einstefna þessar tíu mínútur eða svo sem ég hef séð af leiknum. Eyjamenn með vindinn í bakið einokað boltann að mestu.

Tekið með jörðinni inn á teiginn fyrir fætur Felix sem á hörkuskot sem fer í hliðarnetið. Einhverjir í stúkunni sáu þennan inni.

Í fínu færi eftir laglegt samspil Eyjamanna úti til vinstri en Halldór ver í horn.

Verið talsvert líflegra liðið á vellinum hér síðustu mínútur. Gestirnir úr Grafarvogi lítið komsist yfir miðju frá 0ðru marki Eyjamanna.

Fjölnismenn vinna horn eftir nokkuð fjörugt fyrsta korter.

Leikurinn í dag er í 5. umferð Lengjudeildarinnar en að loknum fyrstu fjórum umferðunum er ÍBV í 5. sætinu með 5 stig en Fjölnir hefur fengið tvöfalt fleiri stig, 10. ÍBV hefur bara unnið einn leik, það var gegn Þrótti á Hásteinsvelli 4-2, en en tapað einum og gert tvö jafntefli. Leikirnir í sumar Dalvík/Reynir 3 - 1 ÍBV ÍBV 4 - 2 Þróttur ÍBV 1 - 1 Þór Njarðvík 0 - 0 ÍBV Fjölnir hefur hinsvegar unnið þrjá af fjórum leikjum og gert eitt jafntefli úr sínum fyrstu leikjum. Leikirnir í sumar Grindavík 2 - 3 Fjölnir Fjölnir 1 - 0 Leiknir Dalvík/Reynir 0 - 0 Fjölnir Fjölnir 3 - 1 Þróttur

Arnar Ingi Ingvarsson dæmir leikinn í dag. Hann er með þá Daníel Inga Þórisson og Magnús Garðarsson sér til aðstoðar á línunum. KSÍ sendir svo Jón Sveinsson til eyja til að hafa eftirlit með störfum dómara og umgjörð leiksins.

Góðan daginn og verið velkomin í beina textalýsingu frá viðureign ÍBV og Fjölnis í Lengjudeild karla. Leikurinn hefst klukkan 16:00 á Hásteinsvelli í Vestmannaeyjum.