Liðin eru að ganga út á völl Þetta er að bresta á!

Byrjunarliðin KA steinlá gegn Stjörnunni í síðustu umferð en það er aðeins ein breyting hjá Hallgrími Jónassyni. Ívar Örn Árnason hefur tekið út leikbann og er kominn í byrjunarliðið fyrir Ingimar Torbjörnsson Stöle sem fær sér sæti á bekknum.

Það eru tvær breytingar á liði ÍA sem tapaði naumlega gegn Víkingum í síðustu umferð.

Marko Vardic er í banni eftir að hafa fengið rautt spjald gegn Víkingum. Þá er Rúnar Már Sigurjónsson ekki í leikmannahópnum. Hilmar Elís Hilmarsson er í byrjunarliðinu í sínum fyrsta leik í efstu deild. Arnór Smárason kemur einnig inn í liðið og tekur við fyrirliðabandinu.

Dómarateymið Elías Ingi Árnason verður með flautuna hér í dag. Gylfi Már Sigurðsson og Ragnar Þór Bender verða honum til aðstoðar. Aðalbjörn Heiðar Þorsteinsson er fjórði dómari og Valdimar Pálsson er eftirlitsmaður KSÍ.

Hrekkur Viðar Örn í gang? Íslandsmeistarinn Jóhannes Berg Andrason er spámaður umferðarinnar. Hann varð Íslandsmeistari í handbolta með FH eftir sigur á Aftureldingu.

KA 3-1 ÍA
Kviknar á Viðari Erni sem setur 3 i þessum leik.

Tap í umtöluðum leik í síðustu umferð ÍA er ekki langt á undan KA en liðið er í 8. sæti með 10 stig eftir grátlegt tap gegn Íslandsmeisturum Víkings í síðustu umferð.

Eina mark leiksins kom úr umdeildri vítaspyrnu eftir að Danijel Dejan Djuric féll í teignum. Helgi Guðjónsson skoraði úr spyrnunni.

KA fékk skell í síðustu umferð KA hefur farið afskaplega illa af stað í sumar en liðið fékk vænan skell í síðustu umferð.

Liðið er aðeins með fimm stig eftir átta umferðir í næst neðsta sæti deildarinnar. Liðið náði í sinn fyrsta sigur gegn Fylki hér á Greifavellinum í 7. umferð en liðið hélt síðan suður og steinlá gegn Stjörnunni 5-0 í síðustu umferð.

Góðan daginn Verið velkomin í beina textalýsingu frá leik KA og ÍA í tíundu umferð Bestu deildarinnar. Leikurinn fer fram á Greifavellinum á Akureyri og hefst klukkan 16.