Jóhann Þór Hólmgrímsson @Johannthor21

Textalýsing Skýrslan

Hvað réði úrslitum? Ótrúlegur fyrri hálfleikur. KA kemst yfir en fær á sig mark nánast í næstu sókn og ÍA kemst síðan yfir stuttu síðar. KA náði að jafna en aftur náðu Skagamenn forystunni. Fyrir utan þessi mörk var ekkert rosalega mikið að gera hjá markmönnum beggja liða, illa farið með góðar stöður hjá KA mönnum, margar fyrirgjafir sem skiluðu engu. Bestu leikmenn 1. Arnór Smárason Fyrirliðinn stóð fyrir sínu á miðjunni og tryggði liðinu sigur með marki úr vítaspyrnu 2. Steinar Þorsteinsson Einnig frábær í leiknum og með laglega stoðsendingu með kassanum á Inga Þór. Atvikið Arnór Smárason skoraði sigurmarkið úr vítaaspyrnu sem ÍA fékk eftir eitthvað klafs í teignum. KA menn voru allt annað en sáttir þar sem þeir töldu sig eiga að fá víti stuttu áður þegar Birgir Baldvinsson féll í teignum.

Hvað þýða úrslitin? KA aðeins nælt í einn sigur sem kom gegn botnliði Fylkis. Gríðarlega sterkur sigur hjá ÍA eftir svekkjandi tap gegn ríkjandi meisturum í Víking. Vondur dagur Varnarleikur KA hefur verið í molum í sumar, virðist vera ekkert sjálfstraust í liðinu. Það er klárlega verk að vinna á Brekkunni. Dómarinn - 4 Var ekki samkvæmur sjálfum sér. Eins og segir í 'Atvikið'. Undarlegt atvik einnig þegar Birgir virtist brjóta af sér en hann fékk síðan aukaspyrnuna.