Stemning í Kórnum Liðin eru að ganga til vallar og hér er alvöru ljósashow í gangi og mikil stemning.

Byrjunarliðin Ómar Ingi Guðmundsson, þjálfari HK, gerir eina breytingu frá tapinu gegn Fylki, Atli Arnarsson fer úr liðinu vegna leikbanns og Eiður Gauti Sæbjörnsson kemur inn í hans stað.

Halldór Árnason, þjálfari Breiðabliks, gerir einnig eina breytingu frá jafnteflinu gegn Víking. Andri Rafn Yeoman fer á bekkinn og Ísak Snær Þorvaldsson kemur í hans stað.

Mestu ólíkindatól deildarinnar? HK-ingar hafa ekki safnað alltof mörgums stigum í upphafi móts, mögulega hefur stigasöfnunin þó verið framar vonum enda var liðinu ekki spáð góðu gengi. Liðið nái að tengja saman tvo ótrúlega sigra gegn Víking og KR en hafa síðan tapað tveimur leikjum í röð. HK-ingar eru þó algjör ólíkindatól og það væri glapræði að útiloka þá hér í kvöld.

Komast Blikar aftur á sigurbraut? Blikar spiluðu eins og alþjóð veit við erkifjendur sína í Víking í vikunni. Leikurnn var ansi dramatískur og endaði að lokum með 1-1 jafntefli liðanna. Jason Daði Svanþórsson skoraði mark Blika. Anton Ari Einarsson gerði sig sekan um dýrkeypt mistök undir lok leiks sem kostaði liðið sigrinum. Blikar mega ekki við því að missa óþarfa stig í titilbaráttunni og þurfa því lífsnauðsynlega á sigri að halda í kvöld.

Sjáum við aftur óvænt úrslit? Viðureignir þessar liða hafa oft á tíðum verið afar áhugaverðar og boðið upp á óvænt úrslit. Það var heldur betur sagan á síðasta tímabili en HK vann þá báða leikina, 4-3 á Kópavogsvelli og 5-2 í Kórnum. Þessi sex stig skiptu sköpum fyrir HK-inga þegar talið var upp úr pokanum í lok móts en liðið var ekki langt frá fallinu.

Velkominn í Kórinn Hér fer fram Kópavogsslagur af bestu gerð þegar HK og Breiðablik eigast við hér í Kórnum klukkan 19:15.