SKÝRSLAN: Fyrsti sigur Þróttar í sumar
Hvað réði úrslitum?
Fjörugur leikur í Laugardalnum í dag! Tindastóll byrjaði mun betur og komst yfir eftir tíu mínútna leik. Þróttur vann sig hins vegar inn í leikinn og þegar leið á hálfleikinn var Þróttur vaðandi í færum. Á fjögurra mínútna kafla snéru Þróttarar leiknum við og skoruðu tvö mörk. Þróttur var því með forystuna þegar liðin gengu til búningsherbergja. Í seinni hálfleiknum byrjaði Þróttur vel og skoraði innan þriggja mínútna. Tindastóll minnkaði svo munin en Þróttur komst svo fljótt aftur í tveggja marka forystu. Þróttur átti góðan leik í dag og spilaði vel. Mikil orka og voru fastar fyrir í návígum. Þetta var svo áberandi í leiknum í dag.
Bestu leikmenn
1. Kristrún Rut Antonsdóttir
Þetta er ekki erftitt val. Skoraði þrennu í leiknum og var bara heilt yfir frábær!
2. Freyja Karín Þorvarðardóttir
Freyja var mjög góð í dag og ógnaði stöðugt. Frábært að sjá hana nýta styrk sinn til að komast framhjá leikmönnum og búa til færir fyrir samherja sína
Atvikið
Þessar fjörugu mínútur í seinni hálfleiknum þar sem Tindastóll minnkaði muninn í 3-2 en svo skoraði Þróttur strax og kom sér aftur í tveggja marka forystu.
Hvað þýða úrslitin?
Hvorugt liðið færiist um sæti og er Tindastóll enn í því 7. og Þróttur í síðasta. Þróttur minnkar hins vegar bilið á milli sæin og Fylkis niður í einungis eitt stig.
Dómarinn - 6
Svolítið kaflaskipt hjá Aðlbirni í dag. Var á köflum bara fínn en kom of oft fyrir að hann var ekki nógu samkvæmur sjálfum sér.