Leikurinn spilaðist að mestu leiti inn á vallarhelming Dalvíkur manna en það gekk erfiðlega fyrir Aftureldingu að breyta færum í mörk. Þeir komust þó á endanum í stöðuna 3-1 en þá skorti drápseðli og þeir slökuðu á. Dalvík komst þá í góðar skyndisóknir og náðu að jafna leikinn. Það þurfti svo ótrúlegan skalla frá Hrannari Snæ Magnússyni til að klára leikinn fyrir Aftureldingu.

Nikola Kristinn Stojanovic leikmaður Dalvíkur fær höfuðhögg snemma í leiknum og þarf að fara af velli í börum. Hann var svo sendur með sjúkrabíl upp á spítala þar sem þurfti að sauma skurð í hausnum. Við vonum bara að hann verði fljótur að ná sér af þessu.

Afturelding skýst upp um töfluna upp í 5. sætið með 8 stig eftir 6 leiki. Dalvík fer þá niður í 7. sætið og þeir eru með 6 stig.

Í mörkum Aftureldingar var smá kjánaskapur og sofandaháttur hjá varnarlínu Dalvíkur sem er dýrt þegar liðið er að spila gegn svona góðu liði. Hinsvegar ætla ég að nefna hann Arnar Daða Jóhannesson markmann Aftureldingar. Hann hefði getað komið í veg fyrir það að þetta væri svona jafn leikur. Hann gerir svakaleg mistök í öðru marki Dalvíkinga sem skrifast algjörlega á hann. Svo hefði hann mögulega átt að verja þriðja mark Dalvíkinga.

Guðgeir og hans teymi voru ekki alltaf að halda sömu línu fanns mér og Afturelding átti líkast til að fá víti í fyrri hálfleik. Vítið sem þeir dæma er hinsvegar hárrétt þannig þeir sleppa við fall einkunn.