Eftir frekar rólegan og bara leiðinlegan fyrri hálfleik leiddu gestirnir í hálfleik eftir afar umdeilda vítaspyrnu sem Leah sótti og skoraði úr. En um leið og Leah skoraði annað mark leiksins fljótlega í seinni hálfleik var engin leið til baka fyrir Aftureldingu. Þróttarar sýndu gæfumuninn í seinni hálfleik og tóku þetta örugglega á endanum.

Klárlega vítaspyrnudómurinn í upphafi leiks. Leah fær langan bolta til sín inn á teig Aftureldingar og fer niður eftir snertingu. Frekar litla snertingu fannst mér og bara hreinlega spurning hvort þetta hafi verið réttur dómur að dæma víti.

Þróttarar verða í pottinum þegar dregið verður í undanúrslit í Mjólkurbikarnum. Afturelding þurfa að setja alla einbeitingu á það að koma liðinu upp í Bestu deildina.

Kannski mjög leiðinlegt að segja þetta en ég vil bara velja varnarmenn Aftureldingar. Eliana í markinu varði ekkert eðlilega oft og var líklega bara maður leiksins í liði Aftureldingar. Varnarmenn Aftureldingar mjög langt frá mönnunum alltaf og lélegur varnarleikur heilt yfir.

Heilt yfir bara fínasti leikur hjá Ásmundi og teyminu. Mér fannst hins vegar vítaspyrnudómurinn í upphafi leiks ekki vera réttur við fyrstu sýn. Síðan var maður ósammála einum og einum brotum út á miðjum velli eins og gengur og gerist en annars var þetta bara mjög vel dæmdur leikur.