Karakterinn og varnarleikur Fjölnis í dag var mjög góður. Mér hefur fundist Fjölnisliðið hafa þroskast gífurlega á milli ára. Ég er nokkuð viss um að liðið hefði ekki unnið þennan leik í fyrra. Ungir uppaldir Fjölnismenn sem eru viljugir að berjast fyrir félagið sitt. Á hinn boginn voru Þórsarar ekkert sérstakir í dag fyrir utan kannski einhverjar rispur í fyrri hálfleik.

Hmmmm. Já ég vel eina mark leiksins sem var það flottasta sem ég hef séð í sumar. Gjörsamlega mögnuð slumma hjá Baldvin eftir magnaða stoðsendingu frá Reyni.

Fjölnisliðið er áfram ósigrað og komnir á toppinn í Lengjudeildinni. Þórsarar hafa hins vegar ekki unnið leik í 5 leiki núna og eru komnir alla leið niður í 9. sætið en eiga þó leik til góða.

Seinni hálfleikur Þórsara var alls ekki upp á marga fiska. Það var varla að sjá að þeir væru að leita af marki undir lokin. Sama hvað þeir reyndu í seinni hálfleik lentu þeir alltaf á vegg. Ekkert gekk upp eftir fyrri hálfleikinn en í frekar lokuðum leik þar sem lítið skilur liðin að.

Fannst Elli bara eiga þrusugóðan leik í dag. Engar stórar ákvarðanir þannig séð sem hann þurfti að taka en annars nelgdi hann þær. Það voru nokkrar ákvaðranir og dómar, þá aðalega undir lok leiks, sem ég var ósammála en annars fínasti leikur bara hjá teyminu.