Stutt í þetta Liðin ganga nú inn á völlinn og stutt í að leikurinn hefjist. FH í hvítum treyjum og sokkum og svörtum buxum. Keflavík í dökkbláum búningum frá toppi til táar.

Af þeim 30 áhorfendum sem eru mætt eru aðeins sex í skugganum í nýju stúkunni. Í hátalarakerfinu er svo spilað FH-lagið með Friðrik Dór, 'Risar með svörthvít hjörtu'.

25 mínútur í leik og FH-ingar eru búnir að opna yfir í gömlu stúkuna. Þar skín sólin beint á fólk svo það er hægt að gera tvennt í einu, sjá góðan fótboltaleik og tana allan tímann. Það er skuggi yfir nýju stúkunni fyrir þau sem kjósa að vera þeim megin.

Sól og sæla Hvet alla sem tök hafa á að mæta á völlinn og skemmta sér í sólinni. Vissara samt taka með sér sólgleraugu og sólarvörn.

Guðrún spáir í spilin Guðrún Arnardóttir leikmaður FC Rosengård í Svíþjóð og landsliðskona er spákona umferðarinnar hér á Fótbolti.net. Um leik FH og Keflavíkur sagði Guðrún.



FH 1 - 0 Keflavík

Frikki Dór var að gefa út lagið Til í allt pt. III og það taka FH konur til sín. Þær eru til í alvöru fight og vinna leikinn eftir að Andrea Rán kemur með vel sexy stungusendingu inn fyrir vörn Keflavíkur. FH fá tækifæri til að skora fleiri mörk en eitt mun þó duga þeim til að taka stigin þrjú.

Tríóið
Atli Haukur Arnarsson er dómari leiksins í dag. Honum til aðstoðar eru þeir Ásgeir Viktorsson og Elvar Smári Arnarsson. Guðmundur Páll Friðbertsson er fjórði dómari og eftirlitsmaður KSÍ er Frosti Viðar Gunnarsson.

FH
Næstum því en ekki alveg er frasi sem gæti lýst liði FH þetta sumarið. Uppbygging síðustu ára í Hafnarfirðinum hefur verið góð og situr liðið í fjórða sæti deildarinnar með tíu stig fyrir leiki dagsins. Liðið hefur verið að vinna leikina við liðin í kringum sig en á enn eitthvað í land með að ná efstu liðunum þremur sem virðast ætla að verða í algjörum sérflokki þetta sumarið.

Liðið er afar vel skipað hæfileikaríkum leikmönnum á besta aldri sem gætu vel tekið næsta skref upp á við og gert atlögu að bestu liðum deildarinnar á komandi árum.

Keflvík Eftir dapra byrjun á mótinu hefur Keflavík heldur rétt úr kútnum. Eftir fimm tapleiki í röð í upphafi móts hefur liðið nú unnið tvo sigra í röð og tekist með því að spyrna sér frá botninum en liðið situr í áttunda sæti deildarinnar með sex stig.

Agaður varnarleikur hefur verið styrkleiki Keflavíkur en liðið hefur verið að öðlast sjálfstraust framar á vellinum í síðustu leikjum. Varnarlegar hefur munað mikið um að Caroline Slambrouck tók skóna úr hillunni og tók slaginn með Keflavík, sóknarlega hefur svo spennandi blanda erlendra leikmanna og ungstirna Keflavíkur heillað síðustu vikur.

Kaplakriki heilsar á sólardegi
Heil og sæl kæru lesendur og verið velkomin í þessa beinu textalýsingu Fótbolta.net frá leik FH og Keflavíkur í áttundu umferð Bestu deildar kvenna.

Flautað verður til leiks í Kaplakrika á slaginu 14:00