SKÝRSLAN: Gæðin á seinasta þriðjungnum skipta alveg máli
Hvað réði úrslitum?
Eins og Gunnar orðaði það eftir leik að þá er Valur bara betra fótboltalið í dag en Fylkir. Gæðin á seinasta þriðjungnum voru áberandi.
Bestu leikmenn
1. Jasmín Erla Ingadóttir
Leggur upp og skorar í dag. Gat svosem valið alla sóknarlínu Vals en hún stóð upp úr og fær þessa viðurkenningu frá mér. Kom alltaf hætta frá henni í dag.
2. Amanda Jacobsen Andradóttir
Leggur upp og skorar einnig. Var hættuleg eins og alltaf en eins og ég sagði að þá var hægt að velja alla sóknarlínu Vals.
Atvikið
Ég myndi segja seinasta mark leiksins. Gerði endanlega út um leikinn og frábært mark líka hjá Berglindi.
Hvað þýða úrslitin?
Valskonur halda áfram að anda ofan í hálsmolinu á Breðiablik og sitja í öðru sætinu. Fylkisliðið er áfram í fallsæti og hafa tapað 5 leikjum í röð.
Vondur dagur
Ég er ekki með neinn einn leikmann í huga en mér fannst öll varnarlína Fylkis í tómu basli í dag. Sendingar og hreinsanir og fleira sem gekk illa.
Dómarinn - 9
Mjög vel dæmdur leikur hjá teyminu í dag. Frábært flæði og línan góð. Ekkert spjald þó sem var mjög áhugavert.