SKÝRSLAN: Langþráður sigur ÍA gegn KR
Hvað réði úrslitum?
Það er ekki hægt að segja annað en að þessi sigur hafi verið verðskuldaður. ÍA betri aðilinn nánast allan leikinn. Raunverulega klaufar að hafa ekki skorað fleiri mörk.
Bestu leikmenn
1. Marko Vardic
Var duglegur allan leikinn og kórónaði flotta frammistöðu með marki.
2. Guy Smit
Ég veit hann tapaði leiknum en það verður að gefa honum shout hérna. Hans langbesti leikur fyrir KR. Honum að þakka liðið fór ekki tveimur til þremur mörkum undir inn í hálfleikinn.
Atvikið
Markið hjá Viktori. Þegar heimamönnum tókst loksins að brjóta ísinn. Setti leikinn í uppnám og svo fengum við meiri dramatík í restina
Hvað þýða úrslitin?
Skagamenn lyfta sér upp í fjórða sæti deildarinnar. KR-ingar sitja hinsvegar í 8. sæti og eru búnir að missa af lestinni.
Þetta er líka fyrsti sigur ÍA gegn KR síðan 2016.
Vondur dagur
Verðum við ekki að setja þetta á Gregg Ryder? Ekkert við hann að sakast í dag en tvö töp í röð, 1 stig í seinustu þremur leikjum og einungis einn sigur í seinustu átta leikjum. Þetta er ekki nógu gott.
Dómarinn - 8
Held þetta hafi bara verið þrusuflott hjá Pétri. Man ekki eftir neinum stórum atvikum sem mér fannst hann klikka á. Auðvitað spurning með markið sem hann dæmdi af KR en ég held það hafi verið rétt.