Þetta var jafn og spennandi leikur og Víðismenn naga sig í handarbökin fyrir að hafa ekki nýtt sín tækifæri til að skora fleiri mörk. Allt stefndi í framlengingu þegar Haukar skoruðu skyndilega í lokin.

Fyrsta mark leiksins var stórglæsilegt. Finnbogi Laxdal Aðalgeirsson með draumaskot fyrir utan teig sem söng í netinu.

Haukar verða í pottinum þegar dregið verður í 16-liða úrslitin í hádeginu á föstudaginn. Haukum hefur vegnað illa í 2. deildinni eftir flotta byrjun og eru í níunda sæti. Það var langt síðan liðið hafði unnið leik og þeir vona að þessi sigur komi þeim á beinu brautina.

Víðismenn unnu Fótbolti.net bikarinn í fyrra en falla úr leik við fyrstu hindrun þetta árið.

Gaman að sjá Jens Elvar Sævarsson í dómarahlutverkinu og ef allt er eðlilegt þá verður hann fljótur að stökkva upp listann hjá KSÍ.