HK vinnur í svakalegum hörku leik! Þeir voru varla með í fyrri en komu sterkir út í seinni hálfleikinn og taka 3 stig með sér í Kópavoginn.

Skýrsla og viðtöl koma seinna í kvöld.

Haraldur Einar með svakalega sendingu inn á teiginn þar sem Gummi Magg er í dauðafæri. Hann þarf að teygja sig í boltan þannig skotið fer framhjá en Gummi var hvort sem er rangur.

Már með háan bolta inn í teig og Gummi reynir skallan en nær engum krafti í hann og Arnar tekur þennan bolta nokkuð auðveldlega.

5 mínútur í uppbót.

Tvö horn í röð núna hjá Fram, fyrra var skallað frá og seinna var hættulegt. Boltinn barst óvænt á fjær þar sem Alex fær boltan eiginlega bara í sig og svo fer hann rétt framhjá.

Þrjú horn frá Fram í röð og fyrstu tvær eru skallaðar frá. Sú þriðja fer beint á Gumma Magg sem skallar í slánna. Sóknin heldur svo áfram og Fram fær aukaspyrnu. Haraldur setur boltan inn í teiginn þar sem Gummi er aftur líklegur en hann rétt missir af boltanum og Arnar nær að hrifsa hann til sín.

Flott fyrirgjöf hjá Nunn inn í teig og Arnþór nær góðum skalla þar sem Ólafur þarf að hafa sig allan við til að verja boltan!

HK með sína fyrstu hornspyrnu í leiknum. Það er góður bolti inn á teig sem Ívar nær til. Hann tekur skallan en yfir markið.

HK með innkast en missa boltan strax til Framara. Fred tekur þá skotið fyrir utan teig, alveg þrumuskot sem Arnar rétt nær að blaka yfir.

Helgi Mikael dæmir hinsvega markspyrnu og það pirrar heldur betur Framara.

Góður bolti fyrir hjá Birni beint á kollinn á Atla Þór. Skallinn hans fer hinsvegar yfir markið.

Hættuleg hornspyrna hjá Fram. Fred setur boltan inn í teig og Þorsteinn Aron nær að skalla frá en boltinn flýgur bara rétt framhjá markinu og það er annað horn. Boltinn kemur aftur inn í þvöguna en það kemur ekkert úr þessu horni.

Framarar leiða verðskuldað í hálfleik. Það var frekar dauft yfir þessu fyrstu 40 mínúturnar, Fram mikið með boltan en ekki að skapa mikið hættulegt. Svo lifnaði heldur betur yfir þessu Fram skorar og HK fær líka færi. Vonandi verður seinni hálfleikurinn meira eins og þessar síðustu 5 mínútur.

Sjáumst eftir korter.

Fred sveiflar boltanum inn í teig úr horninu en HK skallar frá.

Uppbótartíminn er 2 mínútur.

Tryggvi með fínt skot fyrir utan teig, fer í varnarmann og Fram á horn.

Arnþór Ari sprettist upp hægri kantinn og setur góðan bolta fyrir þar sem Birnir og Hákon eru báðir dauða fríir inn í teig. Þeir hinsvegar flækjast bara fyrir hvort öðrum og Birnir tekur skotið í Hákon og yfir.

Fín fyrirgjöf frá HK inn á teig þar sem Atli Hrafn nær skallanum en þessi bolti fer nokkuð vel yfir markið.

Góður bolti upp vinstri kantinn á Harald sem kemur sér inn í teig. Varnarmenn HK gera hinsvegar vel í að trufla hann og koma boltanum útaf í horn.

Fred tekur hornið, setur boltan á fjær og enginn nær til boltans. Gummi Magg var ekki langt frá því en í staðinn fer boltinn aftur fyrir í markspyrnu.

Framarar fá hornspyrnu sem Fred tekur, setur boltan stutt á Harald sem kemur boltanum á Brynjar Gauta. Hann nær einhverju hálf skoti sem endar beint á Arnari Frey.

HK með sitt fyrsta skot á markið. Þeir fá aukaspyrnu mjög nálægt hliðarlínunni og Fred fer einn í vegg hjá Fram. Hann er fljótur að forða sér þannig Nunn reynir lúmskt skot í nær hornið en Ólafur er fljótur að hugsa og tekur þennan bolta.

Þorsteinn Aron heppinn þarna. Missir boltan í öftustu línu og Már er nálægt því að vera bara sloppinn í gegn. Arnar gerir hinsvegar vel í markinu, kemur út og tekur boltan.

Hröð sókn hjá Frömurum. Boltinn kemur langur fram og Fred nær skoti inn í teig sem fer í varnarmann og útaf, Fram á horn. Hornið kemur fyrir en fer bara beint afturfyrir.

Þá er leikurinn stoppaður til að taka flautu af einhverjum í stúkunni.

Framarar töluvert betri aðilinn þessar fyrstu mínútur. Pressa hátt og HK kemst lítið einn á vallarhelming Framara.

Fred keyrir upp vinstri kantinn með mann í sér allan tíman en hann gerir svakalega vel í að halda honum frá sér. Hann kemur sér upp að endalínu og setur boltan fyrir markið þar sem Gummi Magg stekkur upp og tekur skallan en beint á Arnar í markinu sem er ekki í vandræðum með að verja.

Haraldur með frábæra sendingu milli manna inn á teig þar sem Már er í fínu færi. Hann tekur skotið en í varnarmann og Fram fær hornspyrnu. Þeir setja boltan í teiginn úr horninu en HK skallar frá.

Uppstilling HK 3-4-3
Arnar
Birkir - Leifur - Þorsteinn
Kristján - Arnþór - Ívar - Nunn
Atli - Hákon - Birnir

Uppstilling Fram 3-5-2
Ólafur
Adam - Kyle - Brynjar
Alex - Freyr - Tryggvi - Fred - Haraldur
Már - Guðmundur

Áhugavert að Már sé upp á topp, hann hefur mest spilað bakvörð á þessu tímabili.

Helgi Mikael flautar leikinn af stað og það eru Framar sem byrja með boltan.

Rúnar Kristinsson þjálfari Fram gerir 3 breytingar á sínu liði frá því þeir mættu KA í bikarnum. Þorri Stefán Þorbjörnsson og Viktor Bjarki Daðason setjast á bekkinn en Tiago Fernandes er ekki í hóp í dag. Inn fyrir þá koma Brynjar Gauti Guðjónsson, Freyr Sigurðsson og Már Ægisson.

Ómar Ingi Guðmundsson þjálfari HK gerir einnig 3 breytingar á sínu liði. Brynjar Snær Pálsson og Magnús Arnar Pétursson setjast á bekkinn en Eiður Gauti Sæbjörnsson meiddist í síðasta leik. Fyrir þá koma Ívar Orri Gissurarson Birnir Breki Burknason og Hákon Ingi Jónsson.

HK heimsækir Fram á Lambhagavöllinn í kvöld????

???? Lambhagavöllur
?? 19:15
?? @FRAMknattspyrna ???? @hkkopavogur
????? Miðasala á https://t.co/gOIMRhybun pic.twitter.com/vyQxshnGCC

— Besta deildin (@bestadeildin) June 18, 2024

Í síðustu 10 keppnisleikjum sem þessi lið hafa spilað hafa Framarar unnið 4 leiki, HK unnið 4 leiki og liðin skilið jöfn tvisvar. Markatalan í leikjunum er þannig að Framarar eru með 13 mörk og HK 16 mörk.

18.09.23 HK - Fram 1-1
28.06.23 Fram - HK 3-2
16.04.23 HK - Fram 1-1
07.09.18 Fram - HK 1-4
27.06.18 HK - Fram 1-0
15.07.17 Fram - HK 2-3
05.05.17 HK - Fram 1-2
28.04.17 HK - Fram 0-1 (bikar)
01.09.16 Fram - HK 2-1
30.06.16 HK - Fram 2-0

Atvinnumaðurinn, landsliðsmaðurinn og tónlistarmaðurinn Logi Tómasson er sérlegur spámaður okkar í þessari umferð en hann hafði þetta að segja um þennan leik.

Fram 1 - 1 HK
Kyle setur eitt með skalla og Leibbsi með langskot.

Helgi Mikael Jónasson mun dæma þennan leik en honum til aðstoðar verða Egill Guðvarður Guðlaugsson og Eðvarð Eðvarðsson.

Eftirlitmaður er Ólafur Ingvar Guðfinnsson og varadómari er Twana Khalid Ahmed

Kópavogs liðið fagnaði tveimur gríðarlega sterkum sigrum í Maí eftir að þeir höfðu farið brösulega af stað. Síðan þá hafa þeir hinsvegar farið aftur á gamla sporið og tapað þremur leikjum í röð.

21.05.24 HK - Valur 1-2
27.05.24 Fylkir - HK 3-1
02.06.24 HK - Breiðablik 0-2

Gengi Framara upp á síðkastið hefur ekki verið jafn gott og í byrjun móts. Í síðasta leik tapaði liðið sannfærandi gegn KA í bikarnum, og þá hefur liðið ekki unnið leik í deildinni síðan 5. maí gegn Fylki. Leikirnir í deildinni síðan þá hafa verið 3 jafntefli og eitt tap.

10.05.24 Stjarnan - Fram 1-1
21.05.24 Fram - ÍA 1-1
26.05.24 Fram - Breiðablik 1-4
31.05.24 FH - Fram 3-3

Gott kvöld, gott fólk, og verið velkomin í beina textalýsingu frá leik Fram og HK í 10. umferð Bestu deild karla.

Leikurinn hefst klukkan 19:15 og verður spilaður á Lambhagavellinum í Úlfarsárdal.