SKÝRSLAN: ÍBV vann stórleik umferðarinnar
Hvað réði úrslitum?
Leikurinn byrjaði rosalega rólega. Stál í stál í raun og veru. Eyjamenn fengu eitt færi í fyrri hálfleiknum sem liðið nýtti vel. Staðan var 0-1 í hálfleik. Í upphafi síðari hálfleiks bættu svo Eyjamenn við öðru markinu sem virtist slá heimamenn út af laginu og Eyjamenn silgdu þremur stigunum heim hægt og rólega.
Bestu leikmenn
1. Oliver Heiðarsson (ÍBV)
Afturelding réði ekkert við Oliver á löngum köflum í kvöld og er hann maður leiksins. Lagði upp fyrsta og þriðja mark ÍBV.
2. Vicente Valor (ÍBV)
Valor var virkilega flottur í kvöld og sýndi geðveika kafla nokkrum sinnum í leiknum.
Atvikið
Annað markið hjá ÍBV - Blaut tuska í andlitið á heimamönnum og virtist markið slökkva á Aftureldingu. Markið kom eftir hornspyrnu sem Afturelding náði ekki að hreinsa í burtu og Nökkvi Már kláraði færið vel í netið.
Hvað þýða úrslitin?
Afturelding eftir leikinn í kvöld situr í fjórða sæti deildarinnar. ÍBV situr í því þriðja og er liðið með þrettán stig.
Vondur dagur
Gunnar Bergmann var ólíkur sjálfum sér í kvöld ef ég á að picka einn út en hann gaf meðal annars fyrsta mark Eyjamanna og má segja þriðja markið líka sem gerði algjörlega útum leikinn. Annars var eiginlega bara allt Aftureldingarliðið off og þá sérstaklega í síðari hálfleiknum.
Dómarinn - 6.5
Aðalbjörn var flottur í kvöld. Set hinsvegar spurningamerki hvort Jón Ingason hafi ekki átt að fjúka útaf í fyrri hálfleiknum en hann braut tvisvar af sér. Bæði á Elmar Kára. Fyrra rétt fyrir utan teig og síðan fór Jón í hörku tæklingu á Elmar Kára sem átti alltaf að vera gult spjald.