ÍR-ingar voru bara kraftmiklir í sínum leik og þeir gáfust ekki upp þegar þeir lentu undir. Þeir sýndu mikið hjarta að koma til baka og gáfust ekki upp. Það var alvöru stemning í þeirra liði, þeir börðust og Fjölnismenn réðu ekki við það á endanum. Þú þarft að vera tilbúinn í bardaga í Breiðholtinu!

Það er auðvitað sigurmarkið sem Bragi Karl skoraði. Það var alvöru stemning þegar það kom.

Þetta er fyrsti sigurleikur ÍR frá því í fyrstu umferð og þeir ná að lyfta sér upp frá fallsvæðinu. Fjölnir tapar sínum fyrsta leik í deildinni og misstu af tækifærinu að komast á toppinn.

Fjölnismenn náðu sér bara ekki á strik. Þetta var ekki eins og lið í öðru sæti að mæta liði í tíunda sæti, bara alls ekki. Það var lítil stemning í Fjölnisliðinu og meiri pirringur en eitthvað annað. Það er hægt að nefna nokkra leikmenn sem náðu sér ekki á strik; Máni Austmann, Dagur Ingi og Reynir Haraldsson. Þessir menn þurfa svolítið að draga vagninn.

Þetta var erfiður leikur að dæma og mikil læti en mér fannst Twana og hans teymi bara leysa þetta ágætlega á endanum.