Allt jafnt að leikslokum hér í Keflavík.

Sanngjörn úrslit held ég að verði að segjast heilt yfir.

Viðtöl og skýrsla væntanleg.

Kostiantyn í hörkufæri í teignum en boltinn af varnarmanni í horn.

Ekkert verður úr horninu.

Keflvíkingar rembast eins og rjúpan við staurinn að finna leið í gegnum vörn Þróttar en verður lítt ágengt.

Keflavík tætir í sig vörn Þróttar með einföldu spili yfir völlinn frá hægri til vinstri. Nacho í afbragðsfæri í teignum en snýr boltann sem strýkur ofanverða slánna á leið sinni yfir.

Ari finnur Nacho af öllum mönnum í teig Þróttar. Sá spænski reynir að setja boltann fyrir markið en Þróttarar verjast og boltanum í horn.

Nacho aftur í boltanum eftir hornið en nær ekki að stýra skallanum á markið.

Emil Skúli með skot af löngu færi, þvingar Ásgeir í vörslu og Þróttur á horn.

Og annað strax í kjölfarið.

Mikill pakki á markteignum eftir hornið. Rolin í boltanum en Ásgeir Orri kastar sér á boltann og handsamar hann.

Axel Ingi með tilraun fyrir Keflavík. Úr þröngu færi í hliðarnetið.

Boltinn hrekkur til hans í teignum eftir sendingu frá hægri. Aleinn og með tíma setur hann boltann yfir markið. Grefur andlitið í lófum sér svekktur með sig.

Jorgen í hörkufæri í teignum eftir fyrirgjöf frá vinstri en setur boltann framhjá.

Hittir boltann illa en á klárlega að gera betur í þessari stöðu.

Nacho Heras liggur hér á vellinum eftir viðskipti við Rolin. Tveir skrokkar að takast á en hann er í lagi og er staðinn upp áður en að sjúkraþjálfari Keflavíkur klárar sinn sprett til hans.

Ásgeir Páll með tvöfalda vörslu.

Fyrst skot af vítateig eftir hornið sem hann heldur ekki. Boltinn fellur fyrir fætur Emils Skúla sem nær ekki að koma boltanum framhjá Ásgeiri af stuttu færi.

Leikurinn að lifna við eftir markið.

Gestirnir vinna horn.

Ásgeir Páll með lúmskt skot að marki Þróttar en boltinn framhjá.

Ari Steinn með skot eftir undirbúning Ásgeirs Páls, boltinn á leið framhjá þegar Þróttari teygir út fótinn og setur boltann rétt yfir eigið mark.

Sami Kamel að hita upp í rólegheitum. Gæti hann komið inná? Myndi mögulega lífga aðeins upp á þetta.

Boltinn mikið á miðjum vellinum og gengur bara á milli liða.

Gestirnir sparka okkur í gang á ný.

Flautað til hálfleiks hér í bragðdaufum leik til þessa. Lið Þróttar ef eitthvað er átt skárri hálfleik hér.

Komum aftur með síðari hálfleikinn að vörmu spori eftir kaffibolla eða tvo.

Þróttarar að pressa. Vinna horn og svo annað til en Keflvíkingar koma boltanum frá að lokum.

Kári Kristjánsson keyrir inn á teiginn hægra megin og lætur vaða. Skotið með jörðinni en beint á Ásgeir sem á ekki í vandræðum með að handsama boltann.

Tekur væna dýfu í teignum. Ætlar líklega í Vatnaveröld eftir leik og viljað æfa sig.

Sigurður Steinar þræddur í gegn og klára listavel framhjá Ásgeiri.

Flaggið á lofti. Tæpt var það en líklega rétt.

Gunnlaugur Fannar brýtur af sér á miðjum vellinum og Þróttarar kalla eftir spjaldi. Gunnlaugur sleppur með ákveðið tiltal.

Fær boltann í fætur hægra megin í teignum. Nær að snúa og kemur skotinu á markið en boltinn framhjá.

Boltinn inn á teiginn í annari tilraun, Keflvíkingar skalla frá en boltinn dettur fyrir Vilhjálm Kaldal sem reynir skotið. Hittir boltann illa og árangurinn eftir því.

Sigurður Steinar með skot af löngu færi. Nær fínum krafti og boltinn af varnarmanni í horn.

Dagur Ingi að vinna sig í virkilega gott skotfæri í d-boganum en dvelur of lengi á boltanum og Þróttarar komast fyrir.

Emil Skúli Einarsson með skalla að marki eftir fyrirgjöf frá vinstri en boltinn í hliðarnetið.

Sigurður Steinar Björnsson keyrir inn á teiginn frá vinstri og kemur boltanum fyrir en Ásgeir Orri með hlutina á hreinu og hirðir boltann.

Axel Ingi með fyrirgjöf frá hægri eftir lipran sprett en Þróttarar bægja hættunni frá.

Skalli að marki eftir hornið en finnur ekki rammann.

Dagur Ingi fær boltann inn fyrir vörn Þróttar. Leikur inn á teiginn og reynir að snúa boltann í fjærhornið en Þórhallur vel á verði og ver í horn.

Þetta er farið af stað hér í Keflavík. Það eru heimamenn sem hefja hér leik

Sami Kamel er í leikmannahópi Keflavíkur í kvöld. Ég á þó síður von á að hann spili sem og Frans Elvarsson sem einnig er á bekknum. Þeir í það minnsta tóku mjög takmarkaðan þátt í upphitun fyrir leik.

Fyrir þau örfáu ykkar sem ætlið að sleppa Lengjudeildarkvöldi og fylgjast með leik Spánverja og Ítala á EM er vert að benda á að líkt og aðrir leikir Lengjudeildarinnar er þessi í beinni á Youtube.

Landsliðsmaðurinn Arnór Ingvi Traustason er spámaður umferðarinnar. Fyrir mann sem á 52 leiki fyrir Keflavík í efstu deild kemur spá hans lítið á óvart þó frasinn sé mögulega korter í að verða þreyttur.

Keflavík 2 - 1 Þróttur R.
Keflavík er alltaf Keflavík í Keflavík. Jafn leikur en Keflvíkingar vinna.

Sveinn Arnarsson er með flautuna á HS Orkuvellinum í kvöld. Honum til aðstoðar eru þeir Guðni Freyr Ingvason og Magnús Garðarsson.

Halldór Breiðfjörð Jóhannsson sinnir svo eftirliti á vegum KSÍ og tekur út dómara sem og framkvæmd leiks.

Það verður áhugavert að sjá hvort að Sami Kamel snúi aftur í leikmannahóp Keflavíkur í kvöld en hann hefur verið frá vegna meiðsla í síðustu leikjum.

Meiðsli hafa plagað dvöl hans hjá Keflavík en hann missti af 10 leikjum liðsins í Bestu deildinni í fyrra vegna meiðsla og hefur nú misst af fjórum síðustu leikjum Keflavíkur í deild og bikar á þessu tímabili. Leikmaður sem Keflavík reiðir sig mikið á almennt í sínum sóknarleik og er þeim mikilvægur og dýrt fyrir liðið að hann sé frá.

Ólíkindatól deildarinnar það sem af er verður að segjast. Sitja í sjötta sæti deildarinnar með níu stig fyrir leik kvöldsins. Bót í máli er að liðið hefur ekki tapað í síðustu 5 deildarleikjum eftir að hafa tapað fyrstu tveimur leikjum sínum í mótinu.

Liðið situr í sjötta sætinu þessa stundina með níu stig og gæti með sigri í kvöld lyft sér svo hátt sem í þriðja sætið. Til þess þurfa önnur úrslit þó að vera Keflvíkingum hagstæð.

Gestirnir úr Laugardal mæta til leiks í ellefta og næst neðsta sæti deildarinnar með 5 stig. Liðið hefur aðeins unnið einn af fyrstu sjö leikjum sínum til þessa og þarf nauðsynlega að fara að setja fleiri stig á töfluna.

Það er þó stutt á milli í deildinni og einn sigur getur gert mikið fyrir liðin í sætum 7-12 en aðeins fjögur stig eru frá botninum upp í sjöunda sætið.

Þróttur hefur þó sýnt að liðið er vel samkeppnishæft í deildinni og oft hefur aðeins herslumunin vantað í að liðið hafi sótt stig eða þrjú í fleiri leikjum.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Keflavíkur og þróttar í áttundu umferð Lengjudeildar karla. Flautað verður til leiks á HS Orkuvellinum í Keflavík klukkan 19:15