SKÝRSLAN: Tindastóll krækti í þrjú stig á Krókinn
Hvað réði úrslitum?
Gestirnir voru bara betri á flestum vígstöðvum í dag. Tek ekkert af Keflavík sem setti hjarta og sál í leikinn og reyndi hvað mest þær máttu. Dagurinn var bara ekki þeirra. Á sama tíma ýtti barátta og leikgleði beinskeyttu liði Tindastóls yfir línuna og sendi þrjú stig heim í Skagafjörð.
Bestu leikmenn
1. Jordyn Rhodes
Tvö mörk og þau hefðu alveg getað verið fleiri. Fékk færi til að bæta við mörkum sem fóru þó forgörðum í dag. Hljóp eins og engin væri morgundagurinn og vann gríðarlega vel fyrir liðið.
2. Elísa Bríet Björnsdóttir
Mér finnst magnað að þessi stelpa sé fædd 2008. Hefur frábæra yfirsýn á vellinum og leikskilning sem mun eldri leikmenn væru stoltir af. Framtíð hennar er björt haldi hún vel á spilunum.
Atvikið
Setjum annað mark Tindastóls sem frysti leikinn hér. Keflavík hendir öllu sínu fram en tekst ekki að gera sér mat úr því og er refsað fyrir.
Hvað þýða úrslitin?
Keflavík fellur niður í níunda sæti deildarinnar þar sem liðið situr með sex stig.
Tindastóll lyftir sér upp í sjötta sætið með tíu stig.
Vondur dagur
Saorla Lorraine Miller fékk kjörið tækifæri til þess að jafna leikinn þegar hún sleppur ein í gegn eftir um 70 mínútna leik. Orkan virtist bara vera búin og voru varnarmenn sem byrjuðu að hlaupa til baka talsvert fyrir aftan Saorlu skuggalega fljótar að ná henni. Annars gekk fátt upp í sóknarleik Keflavíkur í dag.
Dómarinn - 8
Vel dæmt hjá Jens og hans teymi frá mér séð í dag. Hafði góða stjórn og leyfði leiknum að fljóta sem mest hann mátti. Ég í það minnsta hef yfir litlu að kvarta hjá þeim í kvöld.