Sölvi Haraldsson @Breiiiiiiiiiii

Textalýsing Skýrslan Viðtöl

Hvað réði úrslitum? Blikar voru miklu betri í fyrri hálfleik og ótrúlegt að þeim hafi ekki tekist að skora þá. Skagamenn komu út í seinni hálfleikinn með meiri kraft og byrjuðu að stíga ofar á völlinn. Mér fannst Blikar aldrei líklegir að skora eftir að Skagamenn tóku forystuna. Þeir voru heppnir að fá þetta víti í lokin sem jafnaði leikinn og svo voru þeir enn heppnari þegar Anton Ari varði glæsilega frá Viktori með seinustu spyrnu leiksins. Bestu leikmenn 1. Árni Marínó Einarsson Hélt Skagamönnum inn í leiknum í fyrri hálfleik, þá sérstaklega með einni vörslu þegar Benjamin Stokke klúðraði dauðafæri fyrir opnu marki. Mjög solid í dag Árni sem hefur heldur betur sokkað marga sérfræðinga í upphafi móts. 2. Höskuldur Gunnlaugsson Ég þurfti bara að fara í gögnin til þess að finna næstbesta leikmann vallarins því mér fannst enginn leikmaður vallarins áberandi góður. Það hefði kannski verið hægt að velja Anton sem bjargaði Blikum frá því að tapa leiknum en Höskuldur stóð sig príðilega í hægri bakverðinum eins og svo oft áður. Hilmar Jökull fær líka shout úr stúkunni. Sá var að stýra traffíkinni og stemningunni í stúkunni. Atvikið Klárlega færið hjá Viktori í lokin. Maðurinn átti þrítugsafmæli og fjölskyldan var á staðnum að fagna deginum með honum. Maður hefði ekki viljað sjá neinn annan inn á vellinum skora úr þessu færi en hann.

Hvað þýða úrslitin? Blikar hefðu farið á toppinn með sigri en þar sem þeir gerðu jafntefli fara þeir einungis upp í 2. sætið. Einu stigi fyrir ofan Val og einu stigi á eftir Víking. Skagamenn eru áfram í 4. sætinu en þar sem FH vann í kvöld eru þau jöfn að stigum, Skagamenn þó með betri markatölu. Vondur dagur Þrátt fyrir að allt Blikaliðið var mjög bitlaust í dag og einhvernveginn út um allt ætla ég að velja aðstoðardómarann sem flaggaði ranga rangstöðu í fyrri hálfleiknum. Aron Bjarna var sloppinn einn í gegn þegar flaggið fór á loft en ég er ekki viss með að þetta hafi verið rangstaða sem voru mjög dýr mistök hjá línudómara leiksins. Dómarinn - 7 Fyrir utan þessa einu rangstöðu fannst mér teymið dæma þetta bara vel. Vilhjálmur leyfði leiknum að flæða mjög vel og hafði tök á honum.