SKÝRSLAN: Svaka dramatík á Akureyri
Hvað réði úrslitum?
Þór/KA kemst yfir og hefði hæglega getað bætt við mörkum en eins gott lið og Valur refsar. Með rosalega breidd, Fanndís Friðriksdóttir og Berglind Björg Þorvaldsdóttir koma inn á og búa til jöfnunarmarkið og kemur sigurmarkið í uppbótatíma.
Bestu leikmenn
1. Lidija Kulis (Þór/KA)
Skrítið kannski að velja varnarmann í tapliði sem mann leiksins en hún var frábær í kvöld. Virkilega örugg í öftustu línu og það fór ekkert framhjá henni.
2. Fanndís Friðriksdóttir (Valur)
Kom inn af bekknum af miklum krafti og býr til jöfnunarmarkið með glæsilegri sendingu innfyrir vörn Þórs/KA og mikil hætta í kringum hana eftir að hún kom inná.
Atvikið
Jöfnunarmarkið glæsilegt en set spurningamerki við Hörpu í marki Þór/KA sem slær boltann á hættusvæðið í sigurmarkinu.
Hvað þýða úrslitin?
Þór/KA hefur tapað þremur leikjum í sumar, tveimur gegn Val og einum gegn Breiðabliki og er nú komið sex stigum á eftir toppliðunum tveimur. Valur bara markatölunni á eftir Blikum en eina tap liðsins kom einmitt gegn toppliðinu.
Vondur dagur
Sandra María Jessen klikkar á dauðafæri rétt áður en Hulda Ósk kemur liðinu yfir. Í stöðunni 1-0 komst Sandra einnig í góða stöðu þegar hún ákveður að senda á Karen Maríu sem var í rangstöðunni. Svo set ég spurningamerki við Hörpu í sigurmarkinu, hefði átt að gera betur þar.
Dómarinn - 8
Var dómari í leiknum? Fór ansi lítið fyrir honum sem er eins og við viljum hafa það