SKÝRSLAN: Byrjuðu og enduðu leikinn yfir
Hvað réði úrslitum?
Þróttarar tóku forystuna strax snemma leiks. Mér fannst Fylkiskonur aldrei líklegar eftir það að jafna. Með ólíkindum samt að Þróttarar hafi ekki skorað meira en eitt mark. Það var bara markið í upphafi leiks sem réði þessu, svo einfalt er það, mörk breyta leikjum eins og einhver sagði.
Bestu leikmenn
1. Caroline Murray
Heillaði mig ótrúlega mikið í vinstri bakverðinum. Held að hún hafi ekki tapaði einn á einn stöðu í kvöld. Bara gífurlega góð í kvöld og sífellt ógnandi með hraða sínum og krafti.
2. Sigríður Theód. Guðmundsdóttir
Var valin maður leiksins hjá Þrótturum og ég get alveg tekið eitthvað undir það. Steig varla feilspor í kvöld og skoraði markið sem skiptir máli.
Atvikið
Held að það sé bara hægt að velja eitt atvik og það var markið. Frábært mark hjá Sigríði en þetta var nánast það eina sem gerðist í leiknum fyrir utan nokkur færi kannski.
Hvað þýða úrslitin?
Þróttarar slíta sér aðeins frá fallbaráttupakkanum í bili þar sem Keflavík tapaði einnig í kvöld en þetta var þriðji sigur Þróttara í fjórum leikjum. Gestirnir úr Árbænum eru áfram neðstar og eru nú búnar að tapa 7 deildarleikjum í röð, 8 leikjum í röð í heildina.
Vondur dagur
Fylkir voru að tapa sínum sjöunda deildarleik í röð og eru neðstar í deildinni. Andinn í liðinu í dag og orkan var alls ekki góð en það er alls ekki hægt að benda á neinn einn. Mjög lélegar í dag leikmenn Fylkis. Árbærinn fær þetta.
Dómarinn - 8
Heyrði það á báðum liðum að þau hafi verið ósátt með dómgæsluna en mér fannst hún bara nokkuð góð ef ég á að segja alveg eins og er. Gunnar stjórnaði þessu mjög vel og hans teymi að mínu mati.