Liðin ganga til vallar
Allt til reiðu hér og aðeins örfá formsatriði eftir til að leikur geti hafist.

Spákona umferðarinnar lín Björg Norðfjörð Símonardóttir, markahæsti leikmaður 2. deildar kvenna, spáir í leikina sem eru framundan. Elín hefur átt frábært sumar með Haukum og skorað 13 mörk í sjö leikjum. Um leik Keflavíkur og Breiðabliks sagði hún.

Keflavík 1 - 3 Breiðablik

Held að þetta verði auðvelt fyrir Blika en Keflavík nær að koma inn einu marki.

Tríóið
Twana Khalid Ahmed fær það hlutverk að dæma leik kvöldsins. Honum til aðstoðar eru Bryngeir Valdimarsson og Sigurður Þór Sveinsson. Guðni Páll Kristjánsson er varadómari og eftirlitsmaður KSÍ er Jón Sveinsson.

Fyrri viðureignir Það er nokkuð áhugavert að skoða viðureignir liðanna á grasinu í Keflavík þegar innbyrðis viðureignir liðanna undanfarin ár er skoðuð.

Grasið í Keflavík virðist ekki fara neitt sérstaklega vel í Blikastelpur en liðið hefur aðeins sótt eitt stig samtals á grasið á HS-Orkuvellinum í síðustu tveimur heimsóknum sínum. Liðin gerðu 1-1 jafntefli þar sumarið 2021 og tímabilið 2022 fór svo að lið Keflavíkur fór með 1-0 sigur af hólmi. Sá leikur fer helst í sögubækurnar fyrir hreint ótrúlega frammistöðu Samönthu Murphy þáverandi markvarðar Keflavíkur sem átti hverja vörsluna á fætur annari í leiknum og kórónaði leik sinn með því að verja vítaspyrnu í uppbótartíma. Síðasti sigur Breiðabliks á grasinu í Keflavík kom þann 13. maí 2019. Það má því eiginlega segja að lið Breiðabliks hafi ekki unnið á grasinu í Keflavík síðan að gervigras var lagt á Kópavogsvelli en það var vígt þann 19.maí 2019. Sturluð staðreynd það.

   07.05.2022 09:30

Sterkust í 2. umferð - Sjaldan séð annað eins

Heimsókn Breiðabliks í Reykjanesbæ í fyrra var þó öllu gjöfulli. Þá mættust liðin á gervigrasinu við Nettóhöllina. Það virtist henta liðið Breiðabliks öllu betur og fór svo að þær höfðu 6-0 stórsigur.

Keflavík Keflavík situr í núnda sæti deildarinnar með sex stig að loknum níu umferðum. Eftir erfiða byrjun og töp í fyrstu fimm leikjum mótsins rétti liðið heldur úr kútnum og vann tvo sterka sigra í röð. Síðan þá hefur heldur hallað undan fæti og tvö töp hafa fylgt í síðustu tveimur leikjum.

Leikmannahópur Keflavíkur hefur verið ansi þunnskipaður að undanförnu og liðið þurft að kafa dýpra í yngri flokka lið en ákjósanlegt væri til að manna lið og bekk. Það er þó vonandi að úr fari að rætast og lykilkonur eins og Caroline Slambrouck og fleiri fari að skila sér aftur af meiðslalistanum.

   21.06.2024 21:03

J. Glenn: Í dag að spila á leikmönnum úr þriðja flokki

Breiðablik Gestirnir úr Kópavogi sitja á toppi Bestu deildarinnar með 24 stig að loknum níu umferðum. Liðið gerði sér lítið fyrir og vann fyrstu átta leiki sína í deildinni og þar á meðal sterkan heimasigur á erkifjendum sínum í Val. Liði Blika var þó kippt ögn niður á jörðina í síðustu umferð er liðið heimsótti Víkinga í Fossvogi og þurfti þar að þola sitt fyrsta tap í sumar 2-1 gegn nýliðunum.

Tapið er eitt en öllu meiri áhyggjur hefur fólk af meiðslum sterkra leikmanna í liði Breiðaliks en bæði Agla María Albertsdóttir og Ólöf Sigríður Kristinsdóttir fóru meiddar af velli gegn Víkingum og er jafnvel óttast að þær komi til með að vera lengi frá.

   21.06.2024 16:17

Agla María og Olla mögulega lengi frá - Eiga eftir að fá skýr svör

Besta deild kvenna rúllar áfram
Heil og sæl kæru lesendur og verið hjartanlega velkomin í þessa beinu textalýsingu frá leik Keflavíkur og Breiðabliks í tíundu umferð Bestu deild kvenna. Flautað verður til leiks á HS-Orkuvellinum í Keflavík á slaginu 18:00