Þá er Gunnar, góður dómari leiksins, búinn að flauta þetta af. Fyllilega sanngjarn sigur Þróttara en þetta er þeirra þriðji sigur í fjórum leikjum á meðan Fylkiskonur eru að tapa sínum sjöunda deildarleik í röð. Skýrsla og viðtöl koma inn á síðuna innan skamms. Þangað til næst, takk fyrir samfylgdina og veriði sæl!

Þróttarar virðast ætla að halda þetta út! Eða hvað?

Leah gerir frábærlega inni á teig Fylkis og kemur með bolta til hliðar á Kristrúnu sem er ein og óvölduð inni á teignum. Kristrún tekur skotið í fyrsta sem fer yfir. Hvernig hitti hún ekki á markið þarna?!

Marija Radojic hefur komið inn í þennan leik með miklum krafti. Á núna hér skot úr erfiðri stöðu sem fer rétt yfir. Annars mjög lítið að frétta héðan úr Laugardalnum.

Leah með tilraun fyrir utan vítateig Fylkis sem fer rétt yfir.

Sigríður fær boltann rétt fyrir utan vítateig Fylkis og lætur vaða. Skotið var fast, meðfram jörðinni og fór rétt framhjá.

Caroline vinnur boltann ofarlega á vellinum og lætur vaða á markið en Tinna gerir vel og handsamar boltann.

Sæunn tekur spyrnuna inn á teiginn sem Fylksikonur hreinsa frá. Þróttarar halda sóknarpressunni áfram.

Leah kemur boltanum inn á teiginn og það myndast mikið klafs inni á teignum en Fylksikonur ná að standa vaktina og bægja hættunni frá.

Þórhildur með glæsilegan sprett upp völlinn og kemur boltanum svo út á Evu. Eva er í góðri stöðu inn á teignum og lætur vaða nema skotið fór í hliðarnetið. Fylkiskonur byrja seinni hálfleikinn af krafti!

Þá er leikurinn hafinn á ný. Það eru heimakonur sem hefja þetta fyrir okkur. Þær sækja í átt að Kanada en gestirnir sækja í átt að Rússlandi.

Þá er Gunnar, góður dómari leiksins, búinn að flauta til hálfleiks. Fyllilega sanngjarnar hálfleikstölur en Þróttarakonur hafa verið mikið betri í þessum fyrri hálfleik. Tökum okkur korterspásu og mætum svo til baka að vörmu spori.

Sæunn tekur spyrnuna inn á teiginn sem Tinna kýlir frá með herkjum.

Fáum við annað mark í þennan fyrri hálfleik?

Þórhildur tekur spyrnuna inn á teiginn sem fer inn á markteiginn en aftur eru Fylkiskonur að brjóta af sér í þessum hornum.

Sóknarpressa Þróttar heldur áfram! Signý fær núna boltann fyrir utan teiginn kom tekur skotið yfir Tinnu sem fer í þverslána og þaðan í lúkurnar á Tinnu.

Leah tekur spyrnuna stutt á Ísabellu sem kemur með boltann fyrir. Fyrirgjöfin var slök og Fylkiskonur hreinsa.

Caroline með glæsilega takta úti vinstra meginn og kemur svo með boltann fyrir. Þar er Sigríður mætt en skotið hennar fer rétt framhjá.

Sæunn tekur spyrnuna sem fer í gegnum allan pakkann og í markspyrnu.

Caroline með mjög gott hlaup og á svo fyrirgjöf inn á Freyju sem tekur skotið í fyrsta. Skotið var ekki kraftmikið og lag framhjá. Samt ekki alveg framhjá og aftur fyrir þar sem boltinn fór út í innkast.

Þórhildur tekur spyrnuna inn á teiginn sem fer á Evu Rut en hún nær ekki að stýra boltanum og missir hann of langt frá sér.

Algjörir yfirburðir hjá Þrótturum þessar upphafsmínútur.

Hún tekur skotið rétt fyrir utan vítateig Fylkis sem fer beint á Tinnu í markinu.

Sæunn tekur spyrnuna sem var alls ekki góð og Guðrún Karítas kemur boltanum frá.

Markaskorarinn með skot í varnarmann og aftur fyrir.

Eva Rut með skot úr aukaspyrnu langt utan að velli sem Mollee er ekki í neinum vandræðum með.

Þá er þetta byrjað en það eru gestirnir úr Árbænum sem koma þessu í gang fyrir okkur. Þær sækja í átt að Grænlandi en gestirnir sækja í átt að Noregi. Heimakonur spila í rauðum og hvítum treyjum, svörtum stuttbuxum og hvítum sokkum. Gestirnir úr Árbænum spila í bláum og appelsínugulum treyjum, bláum stuttbuxum og bláum sokkum.

Þá ganga liðin til vallar og gera sig klár í slaginn.

Elín Björg Norðfjörð Símonardóttir, markahæsti leikmaður 2. deildar kvenna, spáir í leikina sem eru framundan. Elín hefur átt frábært sumar með Haukum og skorað 13 mörk í sjö leikjum. Þróttur R. 1 - 1 Fylkir (18:00 í kvöld) Þetta verður hörkuleikur. Báðum liðum sárvantar stig, Þróttur nær forystu en Fylkiskonur ná að jafna og stigunum verður deilt.

Liðin hafa mæst tvisvar á þessari leiktíð. Fyrst var það opnunarleikurinn í deildinni í Árbænum en sá leikur fór 1-1. Seinni leikurinn var í Mólkurbikarnum í Laugardalnum en Þróttarar tóku þann leik sannfærandi, 5-0.

Gunnar Freyr Róbertsson dæmir leikinn í kvöld en honum til aðstoðar verða þeir Magnús Garðarsson og Elvar Smári Arnarsson. Fjórði dómari er Ágúst Hjalti Tómasson og eftirlitsmaður KSÍ er Ólafur Ingi Guðmundsson.

Fylkiskonur sitja núna á botni deildarinnar en efti ágætisbyrjun á mótinu hafa þær núna tapað 6 leikjum í röð og eru neðstar fyrir vikið. Með sigri í dag geta þær híft sig upp úr fallsæti.

Þróttarar unnu góðan sigur í seinasta leik í Garðarbænum þegar þær mættu Stjörnunni. Þróttarar hafa ekki byrjað tímabilið eins og þær vildu en eru núna komnar með tvo sigra í seinustu þremur lekjum deildarinnar.

Heil og sæl ágætu lesendur og veriði hjartanlega velkomin í þessa þráðbeinu textalýsingu frá leik Þróttar og Fylkis í Bestu deild kvenna frá Avis vellinum.