Liðin mætt út á völl og leikurinn fer að hefjast. Þetta verður alvöru leikur!

Byrjunarlið Fjölnis Úlfur Arnar, þjálfari Fjölnis, gerir þrjár breytingar frá tapinu gegn ÍR. Dagur Austmann, Axel Freyr Harðarson og Orri Þórhalsson koma inn í liðið fyrir Vilhjálm Yngva Hjálmarsson, Bjarna Þór Hafstein og Kristófer Dag Arnarson.

26. Halldór Snær Georgsson (m)
3. Reynir Haraldsson
4. Júlíus Mar Júlíusson
5. Dagur Austmann
7. Dagur Ingi Axelsson
9. Máni Austmann Hilmarsson
10. Axel Freyr Harðarson
14. Daníel Ingvar Ingvarsson
16. Orri Þórhallsson
22. Baldvin Þór Berndsen
29. Guðmundur Karl Guðmundsson (f)

Byrjunarlið Aftureldingar Magnús Már Einarsson, þjálfari Aftureldingar, gerir bara eina breytingu frá 0-3 tapinu gegn ÍBV. Bjarni Páll Linnet Runólfsson kemur inn fyrir Bjart Bjarma Barkarson.

1. Arnar Daði Jóhannesson (m)
2. Gunnar Bergmann Sigmarsson
4. Bjarni Páll Linnet Runólfsson
6. Aron Elí Sævarsson (f)
7. Aron Jóhannsson
8. Aron Jónsson
9. Andri Freyr Jónasson
21. Elmar Kári Enesson Cogic
22. Oliver Bjerrum Jensen
25. Georg Bjarnason
77. Hrannar Snær Magnússon

Það er blíðskaparveður í Mosó. Sól og sumar. Það er stemning í loftinu.

Var það viðtal vendipunkturinn? Úlfur Arnar fór í áhugavert viðtal á síðasta tímabili þegar Afturelding var með gott forskot á toppnum. Afturelding virtist vera á leið upp en liðið kastaði frá sér forskotinu eftir þetta viðtal. Í viðtalinu sagði Úlfur:

,,Afturelding hefur staðið sig gríðarlega vel, þeir spila vel og standa sig ofboðslega vel. En það er líklega rosalegur meðbyr með þeim og margt að falla með þeim, hlutir sem þú hefur ekki stjórn; dómgæsla, hvar boltinn er að detta inn í teig og svona. Allt hrós til þeirra en þetta er eins og City eða Liverpool, tapa varla stigi. Ef það kemur tuska í andlitið á þeim þá verðum við að sjá hvernig þeir takast á við það. Ef þeir takast illa á við það, þá reynum við okkar besta að ná þeim. En ef okkar örlög verða að fara í úrslitakeppnina, þá tæklum við það bara."

,,Maður bjóst ekki alveg við þessu, en ég bjóst svo sannarlega við að þeir yrðu öflugir. Við héldum kvöld fyrir okkar sterkustu bakhjarla fyrir mót og þar sagði ég það að fjögur lið gætu unnið deildina og ég nefndi Aftureldingu þar. Menn þurfa samt að átta sig á því að Afturelding er með mjög sterkt og rándýrt lið, þetta er eitt dýrasta liðið í deildinni. Þeir ná í leikmann úr úkraínsku úrvalsdeildinni, Arnór Gauta frá Noregi og Rasmus kemur til þeirra. Þetta er mjög sterkt lið, fólk þarf að átta sig á því. Þeir eru vel að þessu komnir en við sjáum hvað setur."

Þjálfararnir þekkjast vel Þjálfarar þessara tveggja liða þekkjast vel. Úlfur Arnar Jökulsson, þjálfari Fjölnis, er fyrrum þjálfari Aftureldingar og þjálfaði þar Magnús Má Einarsson, þjálfara Mosfellinga. Það verður gaman að fylgjast með baráttu þeirra á hliðarlínunni í kvöld.

Finnst miður sú umræða að ungir Fjölnismenn séu að spila af nauðsyn Úr viðtali við Úlf, þjálfara Fjölnis, eftir tapleikinn gegn ÍR.

,,Mér finnst miður sú umræða að ungir leikmenn í Fjölni séu að spila af nauðsyn því það er verið að teikna upp einhverja slæma fjárhagsstöðu. Ef við værum með fullar kistur af gulli, þá væri liðið nákvæmlega eins. Þessir strákar eru að spila af því þeir eiga það skilið. Ekki vegna þess að það er einhver fjárskortur."

Leikir kvöldsins Það er heil umferð spiluð í Lengjudeildinni í kvöld.

18:00 Keflavík-Njarðvík (HS Orku völlurinn)
18:00 Grindavík-ÍBV (Stakkavíkurvöllur-Safamýri)
19:15 Dalvík/Reynir-Þór (Dalvíkurvöllur)
19:15 Leiknir R.-Þróttur R. (Domusnovavöllurinn)
19:15 Grótta-ÍR (Vivaldivöllurinn)
19:15 Afturelding-Fjölnir (Malbikstöðin að Varmá)

Spáir útisigri
Daníel Hafsteinsson, leikmaður KA, spáir í leiki kvöldins. Daníel var valinn leikmaður umferðarinnar í síðustu umferð Bestu deildarinnar.

Afturelding 1 - 2 Fjölnir
Afturelding saknar Hjörvars Sigurgeirs, það hefur sést í sumar, með hann upp og niður vænginn væru þeir með 27 stig eftir þennan leik, en lítið hægt að gera í því núna. Óliver Dagur opnar leikinn á sjálfsmarki, poppstjarnan Reynir Haralds jafnar leikinn með hægri, Óliver Dagur verður síðan aftur á ferðinni og bjargar sér fyrir horn með sigurmarki beint úr horni.

Fjölnir Fjölnismenn töpuðu sínum fyrsta leik í deildinni í síðustu viku er þeir fóru í Breiðholtið og töpuðu gegn ÍR. Fjölnir er í öðru sæti deildarinnar með 17 stig, tveimur stigum á eftir toppliði Njarðvíkur. Fyrir mót var Fjölnismönnum spáð í kringum miðja deild en þeir hafa byrjað vel.

Afturelding Mosfellingum var spáð efsta sætinu fyrir mót en byrjunin hefur ekki verið eins góð og þeir ætluðu sér. Afturelding er í fjórða sæti með ellefu stig eftir átta leiki og með -5 í markatölu. Liðið tapaði síðasta leik sínum 0-3 gegn ÍBV.

Góðan kvöldið! Og verið velkomin í beina textalýsingu frá leik Aftureldingar og Fjölnis í Lengjudeild karla. Vægast sagt áhugaverður leikur framundan í Mosfellsbæ.