Byrjunarliðin eru klár! Hjá gestunum kemur Bjarni Páll Linnet Runólfsson inn í lið Aftureldingar frá síðasta leik og Andri Freyr Jónasson fer á bekkinn.

Hjá heimamönnum endurheimta þeir Kaj Leo Í Bartalstovu og Dominik Radic tilbaka úr banni frá síðasta leik og koma þeir beint inn í byrjunarliðið. Freysteinn Ingi Guðnason og Björn Aron Björnsson fara á bekkinn.

Spámenn umferðarinnar Skagamennirnir Árni Marinó Einarsson og Jón Gísli Eyland Gíslason eru spámenn umferðarinnar en þeir hafa báðir verið að leika vel með ÍA í Bestu deildinni í sumar eftir að hafa hjálpað liðinu að komast upp í fyrra.



Njarðvik 1 - 0 Afturelding
Þetta verður rosalegur leikur, mikið af færum og mikill hasar, en Njarðvíkingar ná að klína einu marki rétt fyrir lokin og taka þessi 3 stig.



Njarðvík 0 - 1 Afturelding
Uppeldisfélagið vinnur þennan leik. Elmar skorar sigurmarkið undir lok leiksins eftir annars tíðindalítinn leik.

Njarðvík Það hefur verið gríðarleg stemning með Njarðvíkingum í sumar og þeir hafa komið skemmtilega á óvart. Njarðvíkingum var fyrir mót spáð baráttu á hinum enda töflunnar en Gunnar Heiðar Þorvaldsson hefur svo sannarlega smíðað hörku lið í Njarðvík sem eru til alls líklegir í sumar. Njarðvíkingar hafa sótt 10 stig af síðustu 15 mögulegum og gerðu jafntefli gegn nágrönnum sínum í Keflavík í síðustu umferð.

Njarðvíkingar sitja á toppi deildarinnar á markatölu og hafa skorað flest mörk í sumar eða 20 talsins og fengið á sig bara 9 mörk, aðeins Keflavík hafa fengið á sig færri mörk. Það gerir plús 11 í markatölu sem er það mesta í deildinni til þessa.

Mörk Njarðvíkur hafa skorað:

Dominik Radic - 6 mörk
Oumar Diouck - 5 mörk
Kenneth Hogg - 2 mörk
Kaj Leo í Bartalstovu - 2 mörk
Arnar Helgi Magnússon - 2 mörk
*Aðrir minna

Afturelding Það hefur ekki verið alveg sama stemningin með Aftureldingu í sumar og við sáum síðasta sumar. Aftureldingu var spáð fyrir mót baráttu í kringum efsta sætið en hafa hingað til ekki náð því flugi sem búist var við og koma inn í þennan leik með tvo tapleiki í röð á bakinu gegn ÍBV og Fjölni.

Afurelding sitja í 7.sæti deildarinanr og hafa skorað 11 mörk og fengið á sig 17 sem gera mínus 6 í markatölu fyrir leikinn í kvöld.

Markahæstu menn Aftureldingar eru:

Georg Bjarnason - 2 mörk
Elmar Kári Enesson Cogic - 2 mörk
Andri Freyr Jónasson - 2 mörk
*aðir minna

Lengjudeildin Lengjudeildin er að nálgast miðbik og tvö lið eru aðeins búin að skera sig frá restinni en þó ekki það langt að það sé ekki hægt að ná þeim. Annað þeirra liða er heimaliðið hér í kvöld, Njarðvík.

Þegar níu umferðum er lokið lítur þetta svona út:

1.Njarðvík - 20 stig
2.Fjölnir - 20 stig
3.Grindavík - 13 stig (8 spilaðir leikir)
4.ÍBV - 13 stig
5.ÍR - 12 stig
6.Keflavík - 11 stig
7.Afturelding - 11 stig
8.Grótta - 10 stig
9.Þór Ak - 9 stig (8 spilaðir leikir)
10.Leiknir R. - 9 stig
11.Dalvík/Reynir - 7 stig
12.Þróttur R. - 6 stig

Dómarateymið Gunnar Oddur Hafliðason heldur utan um flautuna hér í kvöld og honum til aðstoðar verða Sveinn Ingi Sigurjónsson Waage og Ronnarong Wongmahadthai.
Ólafur Ingi Guðmundsson hefur þá eftirlit með störfum dómara í kvöld.

Heil og sæl! Verið hjartanlega velkomin í þessa þráðbeinu textalýsingu frá Rafholtsvellinum í Njarðvík þar sem heimamenn í Njarðvík taka á móti Aftureldingu í 10.umferð Lengjudeildar karla.