SKÝRSLAN: Langþráður sigur Stjörnunar
Hvað réði úrslitum?
Hörkuleikur í Garðabænum í kvöld og hálf ótrúlegt að ekki hafi fleiri mörk litið dagsins ljós. Kaflaskiptur leikur í kvöld þar sem bæði lið áttu góða kafla. Keflavík sótti hart að marki Stjörnunnar í lokin en boltinn vildi ekki inn. Eina mark kvöldins kom á 59. mínútu eftir gott skot hjá Úlfu Dís.
Bestu leikmenn
1. Anna María Baldursdóttir
Anna var frábær í vörn Stjörnunar í kvöld. Allt annað að sjá varnarlínu Stjörnunar í kvöld og var þetta fyrsti leikurinn þar sem þær héldu hreinu í sumar
2. Úlfa Dís
Úlfa góð í kvöld. Geggjuð í seinni háfleiknum og stafaði alltaf hætta af henni. Úlfa skoraði einnig eina mark leiksins með glæsilegu skoti fyrir utan teig.
Atvikið
Eina mark leiksins. Þéttingsfast skot hjá Úlfu sem endaði í netinu!
Hvað þýða úrslitin?
Stjarnan þýtur upp í 6.sætið eftir leikinn í kvöld og er þar með 12 stig. Keflavík er enn í 9. sætinu og er með 6 stig.
Vondur dagur
Erfitt að setja þennan titil á einhverja eina en mögulega hægt að setja það á sóknarlínu Keflavíkur fyrir að hafa ekki komið boltanum í netið.
Dómarinn - 7,5
Dómarateymið var með fín tök á leiknum en er líða fór á leikinn fóru ákvarðanirnar að verða skrýtnari. En heilt yfir fínt dagsverk.