Þvílíkur leikur hér í Víkinni. Bikaróðir Víkingar eru á leið í úrslitaleik bikarsins fimmta skiptið í röð!

Vel varið hjá Ingvari.

Emil Atlason tekur fyrstu spyrnu vítaspyrnukeppninnar.

Skotið verður á markið nær stuðningsmönnum Stjörnunnar.

Víkingar unnu Meistarar Meistaranna í vítaspyrnukeppni í vor.

+3 Þvílík dramatík hér í Víkinni.

Víkingar mun hættulegri, Stjarnan varla komist yfir miðju í framlengingunni.

Víkingar fá hornspyrnu en Stjörnumenn koma boltanum frá.

Víkingar fá aukaspyrnu í fyrirgjafastöðu spyrnan er léleg og Stjarnan hreinsar.

Víkingar fá hornspyrnu.

Davíð með frábæra fyrirgjöf á Gísla Gotta sem tæklar boltann á markið en Rosenörn með sturlaða vörslu! Þvílíka varslan.

Ari með góða fyrirgjöf á Helga sem tekur skotið en boltinn fer af Guðmundi Kristjánssyni og Stjarnan kemur hættunni frá.

Mikil spenna í loftinu hér í Víkinni.

Framlengingin hálfnuð og liðin fá stutta pásu.

Boltinn berst á Erling á fjærstöng en tilraun hans endar beint á Rosenörn, frábært færi.

Víkingar hættulegri aðilinn í framlengingunni.

Danijel Djuric kemur boltanum skemmtilega á Ara í teignum en Ari lúðrar boltanum hátt yfir markið.

Davíð Örn fær boltann eftir fyrirgjöf og hamrar boltanum hátt yfir mark gestanna.

Víkingar fá hornspyrnu.

Davíð Örn með skot úr þröngri stöðu sem Rosenörn ver vel.

Víkingar að spila þriðja leikinn á sex dögum, spurning hvort að þreytan fari að segja til sín.

Víkingar byrja með boltann!

+6 Vilhjálmur Alvar flautar til leiksloka eftir venjulegan leiktíma. Þetta er heldur betur Bikardramatík!

Ari með frábært skot í fjær og boltinn fer beint í andlitið á Helga Guðjóns. Ari fær boltann aftur og tekur annað skot sem Rosenörn ver frábærlega. Mér sýndist boltinn sem fór í Helga vera á leiðinni inn.

Ari með góða sendingu fyrir markið á Helga sem hittir ekki boltann.

Helgi Guðjóns tekur fast skot en það fer beint á Rosenörn.

Stjarnan fær aukaspyrnu milli vítateigs og hliðarlínu, boltinn berst á Emil Atla sem nær ekki að stýra boltanum á markið.

Óli Valur í frábærri stöðu eftir laglegt spil Stjörnunnar, Óli tekur skotið en Ingvar ver frábærlega.

Helgi Guðjóns með skot rétt framhjá marki gestanna.

Víkingar fá aukaspyrnu í fyrirgjafastöðu, boltinn berst út á Valdimar sem á slakt skot langt framhjá.

Hilmar Árni með skot beint á Ingvar Jónsson sem handsamar boltann auðveldlega.

Oliver Ekroth sest niður og þarfnast aðhlynningar. Ekroth getur haldið leik áfram.

Danijel Djuric á þrumuskot sem fer af Guðmundi Kristjánssyni og aftur fyrir en Vilhjálmur Alvar dæmir markspyrnu.

Víkingar fá hornspyrnu, boltinn berst á Gunnar Vatnhamar sem á tilraun sem fer framhjá marki gestanna.

Pablo Punyed á upphafsspark síðari hálfleiks.

Danijel Dejan Djuric kom Víkingum yfir með skoti á nærhornið. „Cody Gakpo afgreiðsla“ segir Höddi Magg????? pic.twitter.com/dV0oxSmkVC

— RÚV Íþróttir (@ruvithrottir) July 3, 2024

Ekki færamikill fyrri hálfleikur, Víkingar þó meira með boltann. Heimamenn skoruðu á besta tíma með góðu skoti frá sjóðheitum Danijel Djuric.

+1 Karl Friðleifur með góða fyrirgjöf á Hansen sem nær ekki að stýra boltanum á markið.

Einni mínútu bætt við.

Stjarnan heldur betur í boltann þessa stundina.

Emil Atlason kemur boltanum fyrir mark Víkinga en Ekroth hreinar á ögurstundu.

Darraðadans í teig Stjörnunnar eftir hornspyrnu Víkinga, sóknin endar með skoti Valdimar Þórs sem á viðkomu í varnarmann en Rosenörn ver vel.

Erlingur með hættulegan bolta fyrir mark Stjörnunnar en Guðmundur Kristjáns hreinsar í horn.

Emil með skottilraun frá miðju sem fer yfir mark heimamanna, ekki galin tilraun.

Erlingur Agnarson með skot úr teignum sem hafnar í stönginni. Víkingar mun hættulegri þessar fyrstu mínútur.

Erlingur Agnarsson bankaði á dyr Stjörnumanna í fyrri hálfleik. Skot hans endaði í stönginni. Staðan er enn 0-0 eftir 26 mínútna leik pic.twitter.com/KiAONBLd5e

— RÚV Íþróttir (@ruvithrottir) July 3, 2024

Aftur fá Víkingar hornspyrnu en boltinn svífur yfir allan pakkann.

Kjartan Már og Sindri Þór eru á miðri miðjunni hjá Stjörnunni í pressu, áhugavert.

Djuric með góða útfærslu á horni, Djuric tekur fast skot úr þröngri stöðu sem Rosenörn ver örugglega.

Víkingar fá aukaspyrnu í fyrirgjafastöðu, góð spyrna sem Emil Atlason hreinsar í horn.

Víkingar fá fyrsta horn leiksins, Guðmundur Kristjánsson skallar frá.

Emil Atlason á upphafssparkið.

Liðin ganga til vallar, nú styttist í að þessi veisla hefjist!

Það er svo gott veður í hamingjunni að við þurfum að vökva… @vikingurfc Allt ready, geggjaður leikur framundan við @FCStjarnan í @mjolkurbikarinn Fjölfólkum… pic.twitter.com/3DzUscyI4c

— Sverrir Geirdal (@Sverdal) July 3, 2024

Víkingar mættu Stjörnunni síðastliðinn fimmtudag og unnu stórsigur þar. Víkingar spiluðu þó einn leik í millitíðinni gegn Fram en Arnar Gunnlaugsson stillir upp sama byrjunarliði og gegn Stjörnunni fyrir tæpri viku. Davíð Örn Atlason er í hóp hjá Víkingum en hann hefur verið að glíma við meiðsli. Stjarnan steinlágu gegn Víkingum en Jökull Elísarbetarson gerir 6 breytingar á liði sínu frá þeim leik. Inn í byrjunarliðið koma þeir Heiðar Ægisson, Guðmundur Kristjánsson, Kjartan Már, Adolf Daði, Örvar Logi og Mathias Rosenörn verður á milli stanganna.

Arnar Daði Arnarsson er spámaður vikunnar og spáði í Mjólkurbikarinn, Arnar er naskur spámaður en hann spáði meðal annars KA sigri í gær, greinilega góð og gild ástæða fyrir viðurnefninu sérfræðingurinn. Víkingur 3 - 2 Stjarnan ,,Fjörugasti leikur sumarsins þar sem Stjörnumenn hafa engu að tapa á meðan pressan er öll á Víkingum. Stjarnan kemst tvívegis yfir í leiknum en Víkingar skora tvö mörk á síðustu 10 mínútum leiksins og svei mér þá ef að minnsta kosti annað þeirra verður ekki kolólöglegt. En lukkudísirnar halda áfram að vera með Víkingum og Helgi Guðjóns heldur áfram að skora fyrir Safamýrarpilta."

Hvaða lið fer alla leið á Laugardalsvöll? ??????
Víkingur R. tekur á móti Stjörnunni miðvikudaginn 2. júlí kl. 19:30. Mætum og styðjum okkar lið. #mjolkingefurstyrk pic.twitter.com/HHJ0puUb2R

— Mjólkurbikarinn (@mjolkurbikarinn) June 26, 2024

Arnar Gunnlaugsson býst við allt öðruvísi leik í kvöld en á fimmtudaginn. ,,Tvö þúsund manns í Víkinni, þetta er bikar sem er okkur mjög kær. Okkur langar ekkert að láta hann af hendi. Þetta verður virkilega erfiður leikur, sá leikur hefur allt annað líf en þessi leikur. Það er töfrandi stund að vera í Víkinni í undanúrslitum, við þekkjum það vel. Vonandi fer fólk að fjölmenna í Víkina. Stjörnumenn sleikja sárin eftir þennan leik og greina hvað fór úrskeiðis. Þeir mæta dýrvitlausir í undanúrslitin."

LEIKDAGUR! Undanúrslit í Mjólkurbikarnum. Veðrið er geggjað, grillin eru tilbúin í slaginn, strákarnir eru tilbúnir í slaginn. Hvað er hægt að biðja um meira?

Hamingjan opnar 18:30 og undir er sæti í sjálfum úrslitaleik Mjólkurbikarsins.

Miðasala : https://t.co/fmMOfp08uo pic.twitter.com/gLmFULuZkz

— Víkingur (@vikingurfc) July 3, 2024

Víkingur og Stjarnan mættust síðastliðinn fimmtudag í Bestu-deild karla. Óhætt er að segja að Víkingur rúlluðu yfir Stjörnuna 4-0 en áhugavert verður hvernig Stjörnuliðið bregst við í kvöld.

Víkingur og KA áttust við í bikarúrslitunum á síðasta tímabili þar sem Víkingur vann 3-1. Síðast þegar Víkingur var ekki í úrslitum var árið 2018 en þá vann einmitt Stjarnan Breiðablik eftir vítaspyrnukeppni.

Heilir og sælir lesendur góðir og veriði velkomin í beina textalýsingu beint úr Víkinni þar sem viðureign Víkings og Stjörnunnar í undanúrslitum Mjólkurbikarsins fer fram.