Liðin ganga út á völl og KX ómar í græjunum! Gulir drekar eru svangir.
Bogi Berndsen er með myndavélina að festa allt á filmu.
Sólin er að steikja mig, finn kollvikin byrja að brenna.

Goddur og hans menn fallega appelsínugulir í gegnum sólgleraugun mín, held þetta sé samt bara rauða dómarakittið sem við þekkjum öll, nettara svona orange!

Gummi Kalli og Sami Kamel taka hlutkestið og Sami vinnur það, velur sér vallarhelminginn sem þeir Keflvíkingar eru á og Fjölnismenn munu því byrja með boltann.

Liðin eru að ljúka upphitun! Sólin er farin að skína svo við erum með eins góðar aðstæður og mögulegt er fyrir áhorfendur.

Grillið er sjóðandi heitt á Kárapalli og fólk á svæðinu.

Eini mínusinn hérna skrifast á Reykjavíkurborg fyrir að vera búin að rífa niður fjölmiðlaaðstöðuna en ekki gera neinar ráðstafanir í staðinn, ég er heppinn að veðrið er gott, rífa sig í gang Reykjavíkurborg.

Leikurinn í beinni á Youtube

Toppaðstæður! Vissulega, þegar þetta er skrifað einhverjum rúmum 3 klst fyrir leik, þá eru toppaðstæður til knattspyrnuiðkunar í Grafarvoginum. Nánast logn, ekki kalt, ekki heitt og skýjað. Ef völlurinn verður vökvaður sem ég geri fastlega ráð fyrir þá verða aðstæðurnar nákvæmlega eins og Baldvin Berndsen myndi velja sér þær.

Svo vissulega erum við á Íslandi og þetta gæti allt verið komið í apaskít þegar leikurinn er að byrja.

Stöðutaflan

Tríóið Goddurinn geðugi fær það hlutverk að flauta þennan leik í kvöld, honum til aðstoðar verða Leiknismaðurinn Hreinn Magnússon og Ægismaðurinn Magnús Garðarsson.

Góðan daginn kæru lesendur og verið velkomin í þráðbeina textalýsingu frá Extra - vellinum í Grafarvogi.

Hér eigast við topplið Fjölnismanna og fallbaráttulið Keflvíkinga, sem er tveimur stigum fyrir ofan Þróttara í 11. sætinu en samt sem áður líka bara tveimur stigum frá Grindavík sem situr í 5. sætinu eða umspilssæti um sæti í Bestu deildinni.

Þetta er gjörsamlega galin deild og við öll elskum það!