Byrjunarliðin eru komin inn Fannar Daði Malmquist Gíslason skoraði mark Þórs í 1-1 jafntefli gegn ÍR í síðustu umferð en hann er ekki í leikmannahópi liðsins í dag. Birkir Heimisson tekur út leikbann. Aron Ingi Magnússon, Marc Rochester, Ýmir Már og Bjarki Þór koma inn í liðið frá leiknum gegn ÍR.

Hjá Gróttu er Arnar Daníel Aðalsteinsson í liðinu en hann tók út leikbannið í síðasta leik. Ásamt Arnari koma Tumeliso Ratsiu, Patrik Orri Pétursson og Axel Sigurðarson inn í liðið frá 5-2 tapi gegn Fjölni.

Lykilmaður í leikbanni
Birkir Heimisson miðjumaður Þórs tekur út leikbann vegna uppsafnaðra áminninga.

Leikurinn í beinni á Youtube

Tríóið Guðgeir Einarsson verður með flautuna í kvöld. Bryngeir Valdimarsson og Daníel Ingi Þórisson verða honum til aðstoðar. Halldór Breiðfjörð Jóhannsson er eftirlitsmaður KSÍ.

Gyrðir spáir í spilin Gyrðir Hrafn Guðbrandsson, leikmaður FH, tók að sér það verkefni að spá í umferðina en hann spáir því að liðin þurfi að bíða áfram eftir sigrinum.

Þór 1 - 1 Grótta
Þetta verður lokaður leikur. Grótta verður yfir í hálfleik eftir rosalegt kanntspil á milli Gabríels og Axels sem endar á pönnuni á Pétri. Siggi þjálfari mun taka léttan hárblásara í hálfleik á sína menn og það mun heldur betur kveikja í Árna Elvari og mun hann jafna leikinn snemma með sinni frægu vippu. Þórsarar munu liggja á Gróttu mönnum en því miður þá verður Aron Bjarki í alvöru gír og liðin deila stigunum.

Grótta Grótta fer uppfyrir Þór með sigri í dag en liðið er í 10. sæti með jafn mörg stig og Þór sem á leik til góða. Liðið er á slæmu skriði en Grótta hefur ekki unnið í sex leikjum í röð.

Þór Þórsarar ætluðu sér stóra hluti í sumar en gengið hefur verið mikil vonbrigði hingað til. Liðið hefur aðeins unnið einn af síðustu sjö leikjum sínum og situr í 9. sæti með tíu stig.

Góða kvöldið Verið velkomin í beina textalýsingu frá leik Þórs og Gróttu í Lengjudeildinni. Leikurinn er liður í 11. umferð og fer fram á VÍS vellinum á Akureyri.