Sigur Vals í dag var sannfærandi og sanngjarn. Fylkir gerðu vel í fyrri hálfleik og voru þéttir tilbaka en það var ekki alveg sama stemning yfir þeim í síðari hálfleiknum og Valsmenn gengu á lagið.

Annað mark Vals var einstaklega laglega gert. Frábær bolti á bakvið vörn Fylkis í hlaup hjá Gylfa Þór sem lagði boltann fyrir markið á Patrick Pedersen í 'tap in'. Manni fannst eftir það mark þetta vera komið hjá Val og sú tilfining virðist hafa smitast í lið Fylkis. Markið hjá Adam Ægi var líka ákveðin nagli sem fór þá endanlega með þetta.

Valur lyftir sér upp í annað sætið og uppfyrir Breiðablik með 28 stig. Fylkir eru áfram á botni deildarinnar með 8 stig.

Ragnar Bragi verður að taka þetta á sig fyrir fjórða markið í dag.

Fór lítið fyrir dómara leiksins í dag og það er nákvæmlega þannig sem maður vill hafa þá. Ekki erfiður leikur að dæma endilega en teymið í dag getur gengið stolt frá borði.