Leikurinn í beinni á Youtube

Liðin aldrei mæst Samkvæmt vef KSÍ hafa þessi tvö lið aldrei mæst í mótsleik áður. Hins vegar hefur Þróttur R. mætt liðinu Dalvík áður í 9 viðureignum. En Dalvík og Þróttur R. voru í sömu deild árin 1997 og 1999-2001. En árið 2002 sameinuðust Dalvík og Leiftur í Leiftur/Dalvík. Síðan eftir að Leiftur/Dalvík féll úr 2. deild niður í 3. deild árið 2005 var stofnað liðið Dalvík/Reynir.

Gyrðir spáir í spilin Gyrðir Hrafn Guðbrandsson, leikmaður FH, tók að sér það verkefni að spá í leiki umferðarinnar í Lengjudeildinni.

Þróttur R. 2 - 0 Dalvík/Reynir (16:00 í dag)
Þróttur mun vinna þennan leik nokkuð þægilega. Rolin er alltaf að fara skora í þessum leik, Rolin er okkar íslenski Akinfenwa. Samúel verður með stórleik í vörninni og skorar 1 skallamark og heldur lakinu hreinu með hjálp Þórhalls í markinu.

Lengjudeildin - Deildin sem allir elska og þar sem töfrar eiga sér stað Liðin sem mætast í Laugardalnum í dag eru einu lið deildarinnar sem eru ekki með tveggja stafa tölu fyrir stigafjöldann sinn.

1. Fjölnir 24 stig (11 leikir)
-------------------------------------
2. Njarðvík 20 stig (11 leikir)
3. ÍBV 16 stig (10 leikir)
4. Grindavík 16 stig (10 leikir)
5. ÍR 16 stig (11 leikir)
-------------------------------------
6. Afturelding 14 stig (11 leikir)
7. Þór A. 13 stig (10 leikir)
8. Keflavík 12 stig (11 leikir)
9. Leiknir 12 stig (10 leikir)
10. Grótta 10 stig (11 leikir)
-------------------------------------
11. Þróttur R. 9 stig (10 leikir)
12. Dalvík/Reynir 7 stig (10 leikir)

Þriðja liðið Pétur Guðmundsson stýrir flautukonsertinu í dag en honum til aðstoðar verða þeir Hreinn Magnússon og Jakub Marcin Róg. Eftirlitsmaður KSÍ er Skúli Freyr Brynjólfsson.

Hallað undan fæti Eftir að Dalvíkingar fóru upp seinasta sumar var mikil eftirvætting meðal fótboltaáhugamanna að sjá hvernig þeir myndu koma í Lengjudeildina. Dalvíkingar fóru mjög vel af stað í upphafi móts þegar þeir tóku ÍBV 3-1 í Dalvík. Eftir það hafa þeir tapað 5, gert fjögur jafntefli en ekki unnið einn leik.


Þurfa sigur - Einn stærsti leikur félagsins seinustu ára
Dalvíkingar sitja núna á botni deildarinnar með 7 stig eftir að andstæðingar þeirra í dag, Þróttur Reykjavík, unnu Grindavík í seinustu umferð. Dalvíkingar eru kaldir en það er mikilvægt að þeir fari að vinna leiki sem fyrst ef þeir vilja halda sér uppi í Lengjudeildinni. Líklega einn stærsti, ef ekki stærsti, leikur seinustu ár hjá Dalvík/Reyni í dag.

Geta hoppað úr fallsæti Þróttarar héldu sér uppi á tannþráði í fyrra en eftir það tímabil hefur liðið breyst mjög mikið og einnig er nýtt þjálfarateymi komið í Laugardalinn. Það eru mörg ný andlit í Laugardalnum en Sigruvin hefur oft talað um að það séu nýir tímar framundan í Laugardalnum. Leikmenn, þjálfarar, undirlag á völlinn, treyja, meira að segja merkið á félaginu og margt annað sem er nýtt.



Slæm byrjun í Laugardalnum
Liðið fór bísna illa af stað en Þróttarar voru lengi vel neðstir í deildinni. Eftir sigur í seinustu umferð gegn Grindavík á heimavelli eru þeir komnir upp í 11. sætið. Með sigri á botnliði Dalvíkur/Reyni í dag hoppa þeir upp úr fallsæti og senda Gróttu niður fyrir sig.

Fallbaráttuslagur! Heilir og sælir ágætu lesendur og veriði hjartanlega velkomin í þessa þráðbeinu textalýsingu úr Laugardalnum þar sem Þróttarar fá Dalvíkinga í heimsókn í risaleik í Lengjudeildinni en hér eru neðstu tvö lið deildarinnar að mætast.