Eftir afar jafnan fyrri hálfleik komu Dalvíkingar ferskir út í seinni hálfleikinn og settu tóninn strax með marki. Þróttarar fengu vítaspyrnu um miðbik seinni hálfleiksins sem var einhverskonar vendipunktur leiksins en eftir það réðu Þróttarar öllu í dag og kláruðu leikinn með þremur fleiri mörkum.

Klárlega vítaspyrnan hjá Þrótturum þegar þeir jafna leikinn í 1-1. Vendipunktur leiksins en eftir það mark sáu Dalvíkingar varla til sólar. Svo má einnig nefna þessa fallegu stund í stúkunni þegar Þróttarar og Dalvíkingar sameinuðu krafta sína og hentu í eitt gott víkingaklapp. Það var stemning meðal stuðningsmanna beggja liða þó það hafi verið bísna fámennt.

Þróttarar fara upp fyrir Gróttu og Leikni, sem töpuðu í dag gegn ÍBV í Vestmannaeyjum, og fara upp úr fallsæti. Dalvíkingar sitja áfram á botni deildarinnar hafandi ekki unnið leik í 56 daga eða síðan í 1. umferð.

Á erfitt með að velja einhvern í vörn Dalvíkur þar sem enginn var áberandi slakur. Það var ekkert hægt að setja út á Lalic í markinu en hann var seigur í dag og bjargaði Dalvíkingum oftar en ekki. Ég ætla bara að setja vondan dag á þá sem mættu ekki á leikinn. Það var ekkert eðlilega gott veður, stærsti leikur ársins hjá báðum liðum til þessa og toppaðstæður. Vildi sjá miklu fleiri Þróttara mæta í Laugardalinn í kvöld. Hins vegar hrósa ég þeim sem mættu og létu í sig heyra ásamt því að hrósa þeim Dalvíkingum sem mættu og héldu stemningunni uppi. Maður hafði gaman af báðum hópunum. Hvet alla að mæta á völlinn og styðja liðin sín!

Mér fannst þetta ekkert sérstaklega vel dæmdur leikur hjá Pétri og hans mönnum. Jújú kannski bara mjög eðlilegur leikur en það var engin stór ákvörðun sem hann þurfti að taka í dag fyrir utan vítið. Hann fékk boltann í sig nokkrum sinnum í fyrri hálfleik og mér fannst flæðið geta verið betra.