Valskonur voru bara betri í fyrri hálfleik, skoruðu tvö mörk og kláruðu þetta mjög vel í seinni. Það í raun og veru gerðist ekkert í seinni hálfleiknum. Bæði lið fengu sitthvort dauðafærið, það var það eina. Þetta Valslið er bara ein sigurvél sem kann bara að vinna fótboltaleiki betur en aðrir í þessari deild.

Klárlega annað mark Vals sem var mjög klaufalegt hjá Víkingum. Valskonur voru í smá basli í uppspilinu og ákveða að dúndra bara fram, þá er Ísabella bara allt í einu sloppin ein í gegn og skoraði. Slakur varnarleikur, mögulega bara gamla góða ball watching.

Valskonur fara á toppinn í bili en Víkingar sitja áfram í 5. sætinu.

Mér fannst Rachel Diodati ekki eiga sinn besta leik í dag. Hún svaf á verðinum þegar Valskonur skoruðu annað markið sitt í dag sem var bara hreinsun fram og síðan var Ísabella allt í einu komin ein í gegn. Var líka fannst mér ekki góð á boltanum og bara ekki hennar dagur í dag.

Mér hefur fundist Helgi Mikael frábær í seinustu leikjum sem ég hef séð hann dæma í. Ég bara get ekki fundið neina ástæðu fyrir því að hann eigi ekki að fá tíu. Nelgdi allar ákvarðanir, lét leikinn flæða vel og var með mjög góð tök á honum.