Liðin að ganga út á völl Siggi Höskulds og Halli Hróðmars búnir að taka í spaðann á hvor öðrum.

Leikurinn í beinni útsendingu á Youtube

Byrjunarliðin Það eru þrjár breytingar á liði Þórs sem vann Gróttu 3-1 í síðustu umferð. Elmar Þór Jónsson og Sigfús Fannar Gunnarsson koma inn ásamt Birki Heimissyni sem tók út leikbann gegn Gróttu. Marc Rochester Sörensen og Árni Elvar Árnason setjast á bekkinn en Ýmir Már Geirsson er ekki í hópnum. Þá er Fannar Daði Malmquist Einarsson áfram utan hóps vegna meiðsla.

Það eru þrjár breytingar á liði Grindavíkur sem lagði Njarðvík í síðustu umferð. Dagur Ingi Hammer Gunnarsson, Marinó Axel Helgason og Einar Karl Ingvarsson setjast á bekkinn en Eric Vales Ramos, Matevz Turkus og Adam Árni Róbertsson koma inn í liðið.

Tríóið Twana Khalid Ahmed verður með flautuna hér í kvöld. Patrik Freyr Guðmundsson og Sveinn Ingi Sigurjónsson Waage verða honum til aðstoðar. Bragi Bergmann er eftirlitsmaður KSÍ.

Jakob Gunnar spáir í spilin Jakob Gunnar Sigurðsson, markahæsti leikmaður 2. deildar, leikmaður Völsungs spáði í umferðina á sínum tíma. Spurning hvort spáin hans myndi breytast í dag.

Þór 2 - 1 Grindavík
Þór kemur til baka eftir skell um helgina. Aron Ingi skorar eitt, Birkir Heimis eitt og svo klóra Grindvíkingar í bakkann með marki frá Hammernum.

Grindavík Grindavík hefur unnið fjóra af síðustu fimm leikjum sínum en liðið tapaði gegn Þrótti á sunnudaginn fyrir viku síðan. Liðið vann gríðarlega sterkan útisigur gegn grönnum sínum í Njarðvík í síðustu umferð. Lokatölur urðu 1-0 en þetta var í fyrsta sinn í sumar sem Njarðvík mistekst að skora.

Aron Dagur Birnuson hélt hreinu í sterkum sigri á Njarðvík

Þór Þór hefur verið í brasi á þessari leiktíð en hefur náð í sjö stig í síðustu þremur leikjum. Liðið vann Gróttu hér á Þórsvelli í síðustu umferð þar sem liðið lenti undir í fyrri hálfleik en tvö mörk eftir hornspyrnu komu liðinu yfir. Rafael Victor innsiglaði svo sigurinn í uppbótatíma. Þetta var aðeins þriðja mark hans í deildinni í sumar. Þór getur jafnað Grindvíkinga að stigum í 4. sæti deildarinnar með sigri í kvöld.
Rafael Victor fagnar markinu sínu

Góða kvöldið Verið velkomin í beina textalýsingu frá leik Þórs og Grindavíkur. Þessi leikur er liður í 6. umferð en hann átti að fara fram fyrir um mánuði síðan en var frestað vegna landsliðsverkefna leikmanna Grindavíkur.