SKÝRSLAN: Verkefnið varð örlítið flóknara fyrir seinni leikinn í Dublin
Hvað réði úrslitum?
Víkingar réðu lögum og lofum í þessum leik en náðu bara ekki að skora mark. Kaldhæðnislegast er kannski að Írarnir eigi hættulegasta færið en Víkingar reyndu og reyndu að finna einhverjar glufur á þéttri vörn Shamrock Rovers sem gaf fá færi á sér. Ekki leikur sem fer í sögubækurnar fyrir fagurfræðin en það skal þó ekki tekið af gestunum að þeir gerðu vel með að sækja úrslit hér á Víkingsvelli. Verkefni Víkinga varð fyrir vikið aðeins erfiðara.
Bestu leikmenn
1. Jón Guðni Fjóluson
Var flottur í liði Víkinga í kvöld. Þeir komust ekkert áleiðis Írarnir þegar þeir reyndu að keyra á hann. Átti auk þess nokkra fína bolta fyrir markið og skalla sem var ekki langt frá því að verða að marki hefði hann ratað á rammann. Ef og hefði og allt það en Jón Guðni var flottur.
2. Gunnar Vatnhamar
Var úti um allt hjá Víkingum í dag. Írarnir áttu ekkert auðveldara með að fara í gegnum Færeyjingin heldur en Jón Guðna.
Atvikið
Oliver Ekroth var ekki langt frá því að vera skúrkurinn í dag. Átti hrikalega sendingu á vallarhelmingi Shamrock Rovers sem Írarnir komust í og Johnny Kenny var næstum búin að refsa grimmilega en sem betur fer fyrir Víkinga fór boltinn ekki bara yfir Ingvar Jóns í markinu heldur fór boltinn líka yfir markið sjálft.
Hvað þýða úrslitin?
Víkingar verða að vinna úti í Írlandi til þess að komast í næstu umferð. Fara út með ekkert í farteskinu sem gerir verkefnið ögn erfiðara en það hefði þurft að vera.
Vondur dagur
Oliver Ekroth hjá heimamönnum og Darragh Nugent hjá gestunum mega berjast um þetta. Báðir hættulega nálægt því að verða skúrkar sinna liða.
Dómarinn - 6
Mér fannst flestar ákvarðanir í leiknum bara nokkuð góðar. Hefði hinsvegar vilja sjá teymið stíga fyrr og betur inn í leiktöf gestana. Írarnir voru oft óheyrilega lengi að athafna sig án þess að fá svo mikið sem tiltal fyrir það. Markvörður Shamrock Rovers fær t.d. ekki spjald fyrr en á 85.min fyrir tafir sem hefði í raun átt að koma heldur snemma í fyrri hálfleik ef við erum hreinskilinn og því dregst þetta örlítið niður.