SKÝRSLAN: Lúkas Logi bjargar því að Valsmenn fari ekki undir til Albaníu
Hvað réði úrslitum?
Valsmenn voru sterkari aðilinn hérna í kvöld og komust sanngjarnt yfir í fyrri hálfleik. Eftir að Valsmenn komust yfir kom smá deyfð yfir þá og gestirnir jöfnuðu leikinn. Valsmenn komu svo út í síðari hálfleikinn brattir og voru að hóta því að komast yfir aftur. Það voru hinsvegar gestirnir sem náðu að forystunni og leit lengi vel út fyrir að Valsmenn færu undir í einvíginu út til Albaníu en Lúkas Logi sá til þess eftir horn að einvígið yrði jafnt úti í Albaníu.
Bestu leikmenn
1. Kristinn Freyr Sigurðsson
Var besti maður Vals í kvöld. Óheppin að skora ekki í leiknum.
2. Jónatan Ingi Jónsson
Var ógnandi úti á væng hjá Val og skapaði ursla oft á tíðum.
Atvikið
Veit ekki hvort ég eigi að taka jöfnunarmark Vals eða lætin eftir leik. Valur jafnar og gestirnir urðu allt annað en sáttir með það. Miklar tilfiningar og hiti í þessu en þetta á ekki heima á fótboltavelli.
Hvað þýða úrslitin?
Allt jafnt fyrir leikinn í Albaníu. Verður erfitt að fyrir Valsmenn að sækja úrslit í miklum hita í Albaníu en einvígið er galopið.
Vondur dagur
Lítill hluti stuðningsmannahóps Vllaznia taka þetta á sig í dag. Þeir sem slógu og hræktu í átt að dómara og létu illum látum eftir leik. Þetta er ekki það sem við viljum sjá.
Dómarinn - 8
Mér fannst teymið komst bara þokkalega vel frá sínu. Albanir voru hinsvegar ekki á sama máli og veittust að dómörum leiksins eftir lokaflautið.