Það er vel mætt í stúkuna og gestirnir syngja og tralla!

Stefnir allt í hörku stemmara hér á Hlíðarenda.

Ögmundur mættur en fær ekki leikheimild fyrr en eftir þetta einvígi

Arnar um markvarðarstöðuna: Eins heilbrigð samkeppni og hún verður https://t.co/GJjG8rcf2n

— Fótbolti.net (@Fotboltinet) July 11, 2024

Byrjunarliðin eru klár! Arnar Grétarsson gerir tvær breytingar frá sigrinum örugga gegn Fylki í Bestu deildinni á laugardag. Kristinn Freyr og Jakob Franz koma inn í liðið. Lúkas Logi Heimisson tekur sér sæti á bekknum en Orri Sigurður Ómarsson er fjarri góðu gamni vegna meiðsla.

Aron Jóhannsson er á meðal varamanna miðað við skýrslu UEFA.

Valsmenn búast við jöfnum leik „Þetta leggst vel í mig eins og allir leikir. Evrópuleikir eru aðeins öðruvísi, eru eins og bikarleikir nema þú hefur tvo leiki. Þetta er alvöru lið, þegar þú ert kominn í Evrópukeppni þá þurfa menn að gera sér grein fyrir að þú ert að spila á móti góðum liðum. Þetta er flott fótboltalið og ég á von á hörkuleik," sagði Arnar Grétarsson, þjálfari Vals.

Þýski þjálfarinn Thomas Brdaric tók við undir lok síðasta tímabils. Liðið spilaði sex leiki undir hans stjórn, tveir þeirra unnust, tveir töpuðust og tvisvar varð jafntefli. Vllaznia endaði í þriðja sæti albönsku deildarinnar í vor.

„Það voru töluverðar breytingar á milli leikjanna, spiluðu 3-5-2, 4-4-2 og 4-3-3, svolítið að flakka á milli og breytingar á liðsvali."

„Ég horfði svo á liðið spila einn æfingaleik, gegn liðinu sem Breiðablik spilaði við í fyrra: Zrijnski Mostar og unnu 1-0. Það er lið sem er gott lið. Það eru teknískir strákar í Vllaznia, ég átti kannski von á því að þeir væru svolítið latir, seinir til baka, en þeir líta vel út. Þeir eru þéttir og eru fljótir að koma sér niður í stöður ef þeir tapa bolta. Þeir spiluðu 4-4-2 í síðasta leik og eru með marga fína fótboltamenn."

„En við erum líka með hörkulið og ef við ætlum að fara áfram þá þurfum við að eiga tvo góða leiki. Það er alveg möguleiki á því. Ef við spilum tvo góða leiki þá eigum við góða möguleika."

Valsmenn án sterkra pósta Það eru þeir Birkir Már Sævarsson, Orri Sigurður Ómarsson og Aron Jóhannsson. Birkir Már tognaði gegn KA fyrir rúmri viku síðan, Orri fór af velli í hálfleik gegn Fylki í síðasta leik og Aron er með slitið liðband í ökkla.

„Það eru ekki alveg allir klárir, við erum í smá brasi. Birkir er ennþá að koma til baka, Orri Sigurður er að glíma við eitthvað smá og Aron. Þetta eru þeir sem verða ekki með. Það eru aðrir sem eru í smá brasi, en við eigum að geta tjaslað þeim saman."

Leikirnir sýndir á Stöð 2 Sport Bæði þessi leikur og leikur Stjörnunnar gegn Linfeild verða í beinni útsendingu á Stöð 2 Sport.

Dómarateymið Dómarateymið kemur frá Norður Írlandi. Tim Marshall heldur utan um flautuna í kvöld og honum til aðstoðar verða Georgios Argyropoulos og Adam Jeffrey.
Fjórði dómarinn í kvöld er svo Shane Andrews.

Valur Valsmenn koma inn í þennan leik á góðum nótum eftir að hafa unnið Fylki sannfærandi í síðustu umferð og það sem meira er haldið hreinu sem hafði aðeins vafist fyrir þeim í sumar.

Það sem vinnur með Valsmönnum í þessum leik er hugsanlega að þeir eru á miðju tímabili á meðan mótherjar þeirra eru enn í undirbúningstímabili.

Vllaznia Klubi I Futbollit Vllaznia Shkodër eða eins og þeir eru þekktir sem Vllaznia er elsti klúbburinn í Albaníu stofnaður 1919.
Vllaznia er hefur níu sinnum unnið Albönsku deildina, síðast 2000/01.

Vllaznia enduðu í þriðja sæti Albönsku deildarinnar á síðasta tímabili í töflunni en í play-offs þá töpuðu þeir leiknum um þriðja sætið.

Bekim Balaj framherji og fyrirliði Vllaznia var markakóngur deildarinnar með 18 mörk.

Ef litið er á all-time töfluna í Albaníu sitja þeir í þriðja sætinu á eftir Tirana og Partizani sem eru sigursælustu félög Albaníu.

Þjálfari Vllaznia er Thomas Brdaric en hann spilaði á sínum tíma 8 landsleiki fyrir Þýska landsliðið frá 2002-2005. Hann spilaði með félögum eins og Stuttgart og Bayer Leverkusen svo einhver séu nefnd. Hann tók við liðinu undir lok apríl. Samkv. Transfermarkt þá vill Thomas Brdaric spila 4-2-3-1.

Samkv. Transfermarkt þá eru þetta verðmætustu leikmenn Vllaznia en hópurinn er metinn á €4.38m.

Rejan Alivoda (Miðjumaður) - €350k
Ildi Gruda (Vinsti vængur) - €300k
Ardit Deliu (Varnarsinnaður miðjumaður) - €250k
Ardit Krymi (Varnarsinnaður miðjumaður) - €250k
Kristi Qarri (Markmaður) - €250k

Sambandsdeildin farin af stað! Sambandsdeildin hófst 10.júlí og eru einvígin eftirfarandi:

Velez (BIH) - Inter Escaldes (AND)
Auda (LVA) - B36 Tórshavn (FRO)
Siauliai (LTU) - Levadia (EST)
Malisheva (KOS) - Buducnost Podgorica (MNE)
Aktobe (KAZ) - Sarajevo (BIH)
Liepaja (LVA) - Víkingur (FRO)
Magpies (GIB) - Derry (IRL)
Bravo (SVN) -Connah's Quay (WAL)
Noah (ARM) - Shkendija (MKD)
Kalev (EST) - Urartu (ARM)
Atlétic Escaldes (AND) - Diddeleng (LUX)
Floriana (MLT) - Tre Penne (SMR)
Torpedo Kutaisi (GEO) - Tirana (ALB)
UNA Strassen (LUX) - KuPS (FIN)
VPS (FIN) - Zalgiris Vilnius (LTU)
Caernarfon (WAL) - Crusaders (NIR)
FC Torpedo (BLR) - Milsami (MDA)
Bala (WAL) - Paide (EST)
Partizani (ALB) - Marsaxlokk (MLT)
Tikves (MKD) - Breiðablik (ÍSL)
La Florita (SMR) - Isloch (BLR)
Shelbourne (IRL) - St. Joseph's (GIB)
Mornar (MNE) - Dinamo Tbilisi (GEO)
Valur (ÍSL) - Vllaznia (ALB)
Stjarnan (ÍSL) - Linfield (NIR)

Heil og sæl! Verið hjartanlega velkomin í þessa þráðbeinu textalýsingu frá N1 vellinum á Hlíðarenda þar sem Valsmenn mæta Vllaznia frá Albaníu í 1.umferð forkeppni Sambandsdeildar Evrópu.