Blikar með nokkuð þægilega tveggja marka forystu í hálfleik. Það var ekkert í kortunum í seinni hálfleik að heimamenn væru að fara fá eitthvað út úr þessu en þreföld skipting hjá þeim strax í hléinu virtist sparka í rassinn á þeim og spurning hvort rúmlega 30 gráðurnar sem veðurguðirnir buðu upp á hafi haft einhver teljandi áhrif á Blikana.

Það er bara þessi átta mínútna kafli sem Blikar missa niður forystuna. Laglegt fyrsta markið. Annað markið beint úr aukaspyrnu. Set hins vegar stórt spurningamerki við þriðja markið þar sem Blikar gáfu Leonardo Guerro allt pláss í heiminum.

Staðan breyttist fljótt í þessu einvígi. Blikar eru þó bara marki undir fyrir leikinn hér heima eftir slétta viku. Þeir sýndu að með góðri frammistöðu eiga þeir að fara áfram!

Blikarnir slökktu algjörlega á sér í seinni hálfleik. Damir var í heldur miklu brasi, heppinn að fá ekki á sig mark þegar hann missti boltann við vítateig Blika og hann heefði átt að sýna meiri ákefð í þriðja markinu eins og fleiri.

Spjaldið á Viktor var frekar soft og ég var hræddur um að hann myndi missa sig í spjöldunum eftir það en svo var eekki sem betur fer. Heilt yfir flottur leikur hjá honum.