Aukaspyrnur réðu úrslitum í kvöld. Stjarnan var betra liðið í heild en Linfield fékk svo sannarlega færi. Þeir fengu víti sem þeir klúðruðu og svo áttu þeir að fá allavega eitt víti til viðbótar ef ekki tvö. Stjörnumenn spiluðu hinsvegar mjög vel fram á við og voru einnig seigir þegar lág á þeim og þeir þurftu að verjast. Emil sýndi síðan sín gæði og skoraði eitt beint úr aukaspyrnu og annað strax eftir aukaspyrnu.

Í uppbótartíma fyrri hálfleiks eru Linfield að sækja. Boltinn berst inn á teiginn og sóknarmaður Linfield er að komast í gott færi. Örvar Logi fer þá í bakið á honum þannig að hann fellur við inn í teig enn dómarinn dæmir ekkert. Þarna fannst mér Stjörnumenn stálheppnir að fá ekki á sig annað víti.

Stjarnan fer með tveggja marka forskot í seinni leikinn sem verður spilaður á Norður-Írlandi eftir viku.

Chris Shields fyrirliði Linfield fékk dauðafæri til að jafna leikinn þegar staðan var 1-0. Kjartan Már gerist brotlegur inn í teig og Linfield fær víti. Fyrirliðinn stígur á punktinn og þrumar boltanum í slánna. Leikurinn hefði líkast til þróast á allt annan hátt hefði þessi farið inn.

Linfield á að fá allavega eitt víti til viðbótar. Það er rosalega erfitt að segja til um seinna atvikið þar sem boltinn fer mögulega í hendina á Kjartani þannig ég dæmi ekki um það. Annað í leiknum hjá honum var hinsvegar bara fínt.