Leiknismenn lágu á Njarðvíkingum undir lokin en það eru heimamenn sem fagna sigrinum hérna í kvöld!

Viðtöl og skýrsla væntanleg.

Sindri Björns við það að komast í flott færi en Njarðvíkingar komast fyrir og Leiknismenn halda boltanum en Njarðvíkingar ná að vinna hann og keyra hratt upp og Dominik Radic á skot hátt yfir markið!

Arnór Ingi með fyrirgjöf og Andi Hoti með furðulega tilburði að reyna hæla boltann að marki sem gekk ekki.

Gott ef þetta var ekki Þorsteinn Emil sem átti fyrirgjöfina og Sindri Björns sýndist mér ná snetringu á boltann sem endaði í stönginni hjá Njarðvíkingum!

Róbert Quental með hornspyrnu innarlega á fjær sem Leiknismenn skalla framhjá. Einhverjir hérna í stúkunni héldu að þessi væri inni.

Þetta verða áhugaverðar lokamínútur. Leiknismenn að henda öllu fram.

Langur bolti fram á Kenneth Hogg sem skýlir boltanum sem skoppar inn á teig og Kenny fellur við í teignum en Helgi Mikael fljótur að gefa bendingar um ekki víti.

Hjalti fast skot á nærstöngina en Aron Snær ver þetta.

Joao Ananias með tilraun en Viktor Freyr ver þetta nokkuð örugglega.

Njarðvíkignar vinna boltann og keyra á fámenna Leiknismenn tilbaka. Kaj Leo setur hann á Dominik Radic sem er í baráttunni við tvo varnarmenn Leiknis og fer niður en Helgi Mikael dæmir ekkert.

Áfram með leikinn.

Leiknismenn yfir í baráttunni þessa stundina.

Omar Sowe stingur sér á milli hafsenta Njarðvíkinga og er komin í heldur þrönga stöðu en nær skoti á markið sem fer líklega af varnarmanni Njarðvíkur og hornspyrna niðurstaðan.

Kemur ekkert úr þessu horni hinsvegar.

Aron Ingi með tilraun sem svífur rétt yfir markið!

Njarðvíkingar taka hornið stutt og Kaj Leo kemur með fyrirgjöf fyrir markið þar sem Viktor Freyr nær að slá boltann frá en tekur Arnar Helga í leiðinni.

Helgi Mikael dæmir Arnar Helga brotlegann.

Njarðvíkingar í flottri sókn og vinna hornspyrnu.

Róbert Quental með fyrirgjöf fyrir markið en Arnar Helgi nær að tækla boltann aftur fyrir.

Omar Sowe að komast í flott færi en Arnar Helgi með flottan varnarleik.

Omar Sowe í mjög góðri stöðu en skallinn beint á Aron Snær.

Njarðvíkingar keyra upp völlinn og Oumar Diouck með frábæran sprett og næstum búin að skora á hinum endanum en skotið rétt framhjá nærstönginni.

Daði Bærings nálægt því að missa boltann sem aftasti maður þegar Kenneth Hogg kemur í pressuna en Kenny nær ekki að koma fyrir sig boltanum og Leiknismenn ná að bjarga þessu.

Sindri Björns með flottan bolta á bakvið Hreggvið í hlaupið fyrir Arnór Inga en Hreggviður gerir vel að henda sér fyrir og ná að koma boltanum aftur í Arnór Inga áður en hann fer aftur fyrir.

Njarðvíkingar í flottri sókn en ná ekki að koma boltanum á markið. Indriði Áki með tilraun framhjá.

Omar Sowe með flottan bolta fyrir á Þorstein Emil sem tekur vel á móti boltanum en nær ekki að koma góðu skoti á markið.

Þetta er farið af stað aftur! Gestirnir sparka þessu af stað.

Það eru heimamenn sem leiða í hálfleik! Lentu undir en náðu að snúa leiknum sér í hag fyrir hlé.

Bæði lið fengið færin til að skora fleirri mörk. Verið opið og skemmtilegt svo það mun vonandi halda áfram inn í seinni hálfleikinn.

Leiknismenn að læða Þorsteini Emil í gegn en Aron Snær vel á verði og kemur út og lokar.

Við fáum örugglega um tvær mínútur í uppbót myndi ég giska á.

Njarðvíkingar sækja þrír á tvo. Oumar Diouck er með Dominik Radic vinstra meginn og Kaj Leo hægra meginn við sig og kemur boltanum á Kaj Leo en skotið yfir markið.

Þessi leit vel út!

Leiknismenn að sækja að marki Njarðvíkinga og boltinn berst fyrir markið á fjærstöng þar sem Hjalti Sig gerir sig líklegan til þess að hamra honum inn en Tómas Bjarki nær að vera fyrir og Hjalti neglir í hann og rétt framhjá nærstönginni!

Jón Hrafn fer niður í teig Njarðvíkingar og leikurinn stopp meðan hann fær aðhlyningu. Var í baráttu við Indriða Áka.

Leikurinn farinn aftur af stað og virðist eins og hann ætli að harka þetta.

Róbert Quental verið hættulegur hjá gestunum. Virkilega skemmtilegt að horfa á hann spila fótbolta.

Frábær sókn hjá Njarðvík sem keyra hratt upp völlinn í einnar snertingar fótbolta. Tómas Bjarki úti hægra meginn og keyrir upp vænginn og kemur með flottan bolta fyrir markið á fjærstöng þar sem Oumar Diouck pikkar honum fyrir markið í hættusvæðið á Kenneth Hogg sem rennur í skotinu og Leiknismenn bjarga þessu!

Oumar Sowe með skot beint á Viktor Freyr í marki Leiknis.

Omar Sowe battar boltann fyrir Shkelzen Veseli en Sigurjón Már nær að henda sér fyrir og draga allan kraft úr skotinu áður en Aron Snær handsamar boltann.

Njarðvíkingar að ógna upp vinstri en Andi Hoti með þetta á lás.

Oumar Diouck kemur sér í flott skotfæri en Viktor Freyr sér vel við honum.

Flott spil hjá Leikni og Hjalti finnur Omar Sowe í svæði sem kemur skotinu að marki en framhjá fór það.

Omar Sowe aftur að komast í gegn en í þetta skiptið er það Aron Snær sem sér við honum.

Róbert Quental með flotta rispu og reynir fyrirgjöf en Njarðvíkingar bjarga.

Oumar Diouck með fyrirgjöf sem fer aftur fyrir í gegnum hættusvæðið.

Það eru heimamenn í Njarðvík sem sparka þessu af stað.

Hrafnkell Freyr Ágústsson, fótboltasérfræðingur og málari, spáir í leikina sem eru framundan.

Njarðvík 3 - 1 Leiknir R.
Njarðvíkingar koma til baka eftir smá dýfu upp á síðkastið. Dominik Radic er að fara að setja þrennu.

Njarðvíkingar tilkynntu um komu Indriða Áka Þorlákssonar á sunnudaginn og samdi hann út tímabilið í Njarðvík.

Indriði Áki tilkynnti síðastliðinn vetur að hann hafi ákveðið að leggja skóna á hilluna og við það tilefni sagðist hann hlakka til að taka sér loksins sumarfrí.

Indriði Áki er 28 ára miðjumaður sem uppalinn er hjá ÍA og sneri aftur til ÍA fyrir síðasta tímabil og hjálpaði liðinu að komast upp úr Lengjudeildinni.

Hann hefur í 127 leikjum í næst efstu deild skorað sextán mörk.



Víkingur hefur lánað hinn 19 ára gamla Kára Vilberg Atlason til Njarðvíkur í Lengjudeildinni. Kári er uppalinn Bliki sem skrifaði undir samning við Víking fyrir síðasta tímabil.

Hann kom við sögu í leikjum með meistaraflokki í vetur og kom inn á í sigrinum gegn Víði í 32-liða úrslitum Mjólkurbikarsins. Hann verður hjá Njarðvík út tímabilið.

Þessi lið mættust í fyrstu umferð Lengjudeildarinnar á Domusvovavellinum í Breiðholti. Þar voru það Njarðvíkingar sem höfðu betur með tveimur mörkum gegn einu. Fyrir Njarðvíkinga voru það Björn Aron Björnsson og Dominik Radic sem komust á skotskónna á meðan Róbert Quental Árnason minnkaði muninn fyrir Leikni.

Þessi félög hafa spilað 20 keppnisleiki sín á milli í sögu félagana samkv. vef KSÍ.

Njarðvíkingar hafa sex sigra (30%) úr þessum einvígjum.
Leiknir hafa ellefu sigra (55%).
Liðin hafa skilið jöfn í þrígang (15%).

Njarðvíkingar hafa í þessum leikjum skorað 23 mörk á meðan Leiknismenn hafa skorað 40 mörk.

Eftir frábæra byrjun á mótinu og að hafa leitt deildina á tímabili hafa Njarðvíkingar aðeins verið að gefa eftir. Í síðustu fjórum leikjum hefur Njarðvík ekki tekist að vinna og aðeins sótt tvö stig. Það er næstum mánuður síðan síðasti sigurleikur Njarðvíkinga leit dagsins ljós en hann kom 19.jún gegn Gróttu.

Þrátt fyrir þetta sitja Njarðvíkingar í 2.sæti deildarinnar með 21 stig. Sex stigum á eftir toppliði Fjölnis og tveim stigum frá ÍBV og ÍR sem fylgja Njarðvíkingum fast á eftir í 3.-4.sæti.

Njarðvíkingar hafa skorað 22 mörk og fengið á sig 15 sem gerir plús 7 í markatölu. Njarðvíkingar hafa hinsvegar ekki skorað í síðustu tveim leikjum sínum.

Mörk Njarðvíkur hafa raðast niður á:

Dominik Radic - 6 mörk
Oumar Sowe - 6 mörk
Kenneth Hogg - 2 mörk
Kaj Leo Í Bartalstovu - 2 mörk
Arnar Helgi Magnússon - 2 mörk
* Aðrir minna

Leiknismenn höfðu verið á uppsveiflu síðustu umferðir og klifrað upp töfluna en hafa tapað síðustu tveim leikjum sínum í deild gegn Fjölni og ÍBV. Leiknismenn sitja sem stendur í 10.sæti deildarinnar með 12 stig. Þeir eru eina lið deildarinnar sem á enn eftir að gera jafntefli en þeir hafa unnið fjóra og tapað átta í sínum tólf leikjum.

Í þessum tólf leikjum Leiknis hafa þeir skorað 13 mörk og fengið á sig 20. Það gera mínus sjö í markatölu.

Mörk Leiknis hafa raðast niður á:

Omar Sowe - 5 mörk
Shkelzen Veseli - 3 mörk
Róbert Quental Árnason - 2 mörk
* Aðrir minna

Helgi Mikael Jónasson fær það verkefni að dæma hér á Rafholtsvellinum í kvöld og honum til aðstoðar verða Egill Guðvarður Guðlaugsson og Eysteinn Hrafnkelsson.
Frosti Viðar Gunnarsson er þá eftirlitsmaður KSÍ.

Verið hjartanlega velkomin í þessa þráðbeinu textalýsingu frá leik Njarðvíkur og Leiknis frá Reykjavík í 13.umferð Lengjudeildarinnar.