SKÝRSLAN: Iðnaðarsigur hjá Blikum
Hvað réði úrslitum?
Stjarnan nýtti ekki færin sín. Fengu nokkur afar góð færi og ef þú ætlar að fá einhver stig gegn Breiðabliki þá þarftu að nýta þessi færi. Breiðablik refsaði síðan Stjörnunni fyrir þessa færanýtingu með marki Hrafnhildar Ása.
Bestu leikmenn
1. Heiða Ragney Viðarsdóttir
Fannst Heiða eiga góðan leik á miðjunni í dag. Náði að brjóta niður sóknir Stjörnunnar vel og var mestmegnis góð á boltanum.
2. Anna María Baldursdóttir
Átti góðan leik í vörninni þótt þær hafi fengið á sig mark, sem hún átti lítinn sem engan þátt í.
Atvikið
Markið hjá Hrafnhildi sem tryggði sigurinn og jöfnunarmark Hrefnu sem var dæmt af. Við fyrstu sýn var ég ekki sammála Aðalbirni, dómara leiksins, að dæma brot í jöfnunarmarkinu en ég þyrfti klárlega að sjá þetta aftur.
Hvað þýða úrslitin?
Breiðablik heldur sér í efsta sæti deildarinnar á meðan Stjarnan tapar sínum fyrsta leik undir stjórn Jóhannes Karls.
Vondur dagur
Færanýting Stjörnunnar. Fengu nokkur gríðarlega góð færi sem þær hefðu hæglega getað skorað úr en allt kom fyrir ekki. Það bætti svo gráu ofan á svart að þegar þær loksins skora þá er markið dæmt af vegna brots.
Dómarinn - 7
Fínn leikur hjá dómarateyminu. Veit ekki alveg með markið sem var dæmt af vegna brots en þyrfti að sjá það atvik aftur.